Doda latifalar

Ikkita general futbol haqida suhbat qurishmoqda:
— Sizga qaysi komanda yoqadi?
— Saflan!

Bir qizaloq ko‘zguning oldida ko‘zini yumib turganmish.
Onasi kelib:
— Nima qilib turibsan? – desa, qizi:
— Qanday uxlashimni tomosha qilyapman, - debdi.

Ofis farroshi erta tongdan ishga kelsa, hamma xodimlar kelib bo‘lishgan ekan. Ular xonadagi jihozlarni joyini almashtirar, shkaf va stollarni u yoqdan, bu yoqqa surar ekanlar. Farrosh hayron bo‘lib:
— Nima qilyapsizlar? – desa, xodimlar:
— Xolajon, biz doim shunaqa qilamiz. Firmamiz ishlari yurishmay qolsa buyum va jihozlarni joyini almashtiramiz. Shunda savdo ham yurishib ketadi, - deyishibdi.
Shunda farrosh:
— Eh... Myen bu yerda ancha yildan beri ishlayman. Boshliq savdo pasayib, ishlar yurishmay qolganidan xabar topgan zahoti mebellarni emas, xodimlarni almashtiradi, - dermish.

Ikkita sport shinavandasi suhbatlashmoqda:
— Mak Gregor Xabibni tepganini ko‘rdingmi?
— Ha. U Xabibni tepib, pastga tushirib yubormoqchi edi.
— Nega tushirib yuboradi? Axir jang tepada bo‘layotgan edi-ku!?
— Pastda Mak Gregorni muxlislari Xabibni kutib turishgan edi-da…

Damaschilar kameradan qoʻrqqanchalik birovni haqqidan qoʻrqqanlarida edi, kechki payt yoʻl kira haqqini 2 barobar oshirib yubormas edilar.

Xotin erini yoniga kelib debdi:
— Adasi, ertaga onamni tugʻilgan kunlari, nima sovgʻa qilamiz?
— Onang nechi yoshga toʻladilar? – soʻrabdi eri.
— 50ga toʻladilar. 50 ming beramizmi? – debdi quvonib.
Er:
— 50 ming yoshga toʻlmayaptilar shekilli!? – debdi jahl bilan.

Bir odam doktorni yoniga kelib shikoyat qilibdi:
— Doktor, judayam ko‘p yo‘talyapman. Nima qilay? Yordam bering!
Doktor bemordan so‘rabdi:
— Sigaret chekasizmi?
Bemor:
— Ha, chekaman.
— Qanaqasidan chekasiz? – savol beribdi doktor.
— Har xilidan.
— Bir xilidan chekish kerak!
— Ha endi, har doim bir odamni ketidan yura olmayman-ku! – degan ekan bemor.

Yigit va qiz suhbatidan:
Yigit:
— Nega xafasan? Senga yozmayotganim uchun-mi? Istasang, har kuni yozaman...
Qiz:
— Konspektlarimni yozib bera olmaysizmi?!

Bir kuni ruhiy kasalliklar shifoxonasiga kelgan komissiya u yerdagi kamchiliklarni koʻrib, “Bu yer huddi jinnixonani oʻzi!” degan ekan.