Latifa.uz saytida eng ko'p ovoz olgan latifalar ro'yxati.
Ikkita shisha yigʻuvchi daydi axlatxonada shisha yigʻib yurib, olov chiqqanini sezib qolishibdi. Birinchisi:
— Qara, axlatxona yonayapti, - desa, ikkinchisi:
— Hayriyat-yey, bugun issiq ovqat yer ekanmiz, - dermish.
Hayvonlar pivoga uzundan-uzun navbatda turishibdi. Hammadan oldin quyon o‘tib, pivo olmoqchi bo‘lgan ekan, bo‘rini jahli chiqib, quyonni to‘xtatibdi:
— Qayoqqa, hoy quyon?! Navbatni ko‘rmayapsanmi?
Quyon:
— Yur, bir chetga o‘taylik, gapim bor!
Bir daqiqadan keyin yana quyon navbatsiz pivoga o‘ta boshlabdi. Ayiq quyonni qulog‘dan ko‘tarib:
— Hoy shalpangquloq, qayoqqa?! - debdi.
— Bir daqiqaga bu yoqqa qaragin, - deb, ayiqni ham bir chetga olib ketibdi.
Qaytib kelib, doimgidek navbatsiz pivoga qo‘l uzatgan ekan, arslon o‘kiribdi:
— Jonga tegding-ku! Navbatga tur!
Quyon arslonni ham yetaklab, o‘rmon ortiga olib o‘tsa, u yerda odamxo‘r dev turgan emish.
— Yana go‘sht olib keldingmi?! Qachon pivo olib kelasan??? - dermish dev arslonni ko‘rib.
Duduq odam militsiyaga qo‘ng‘iroq qilibdi:
— M-m-militsiyami?
— Ha!
— B-b-bu yerda m-m-murda yotibdi.
— Manzilni ayting!
— Q-q-q...
Telefon suhbati uzilib qolibdi. Bir soniyadan so‘ng yana telefon jiringlab:
— Allo, tezroq manzilni ayting!
— Q-q-q...
Yana telefon uziladi... Takror jiringlaydi.
— Allo?!
— Q-q-q...
— Bo‘ldi, Murda Qora-qamishda ekan. O‘zimiz topib oldik!!!
Erta tong. Soat 8:30:
— Azizim, men homiladorman!
Kun. Soat 10:30:
— Ismini nima qoʻyamiz?
Peshin. Soat 13:30:
— Qaysi institutga oʻqishga kiradi, adasi?
Kotiba boshliqning xonasiga kirib unga:
— Bugundan boshlab meni oyligim ko‘tariladi. Haftada 4 kun dam olaman.
— Buni senga kim aytdi?
— Ginekolog bilan advokat aytdi!
— Sen tentaksan!
— Nima deding? Qaytar-chi!
— Sen tentaksan!
— Yana bir qaytar!
— Sen tentaksan deyapman.
— Tentak odamni buyruqlarini bajaryapsan-ku! O‘zing kim bo‘lasan unda?!
Ishdan qaytgan er xotinidan so‘rayapti:
— Bugun nimalar qilding?
Xotin:
— Kir yuvdim, ovqat pishirdim, derazalarni yuvdim, uylarni tozaladim. Mana kiyimlarni dazmollab o‘tiribman. Agar ertaga internetga pul to‘lab kelmasangiz, uyga kiritmayman!!!
Yangi mashina olgan bir ayol avtoservisga borib ustaga:
— Yangi mashina olgandim, hech o‘t olmayapti. Iltimos, bir ko‘rib qo‘ysangiz, - debdi.
Mashinani ko‘zdan kechirib bo‘lgach, ayolga:
— Mashinangizni tuzatish uchun ancha ishlashimiz kerak. Bir necha qismlarini almashtirishimiz kerak. 300 ming berasiz, bir haftada tayyor bo‘ladi, - debdi usta.
— Bir kunda tuzatishni iloji yo‘qmi? - so‘rabdi ayol yolvorib.
— Bir kunda tuzatsak 500 ming bo‘ladi, - degan ekan, ayol pulni berib, — Ertaga kelaman, - deb ketibdi.
Shunda shogirdi ustaga:
— Nima qilish kerak buni, - desa, usta:
— Benzin quyib qo‘y! - dermish.
Bir qiz sevib qolib, shirin hayollar og‘ushida osmonga qarab ketayotsa, katta xarsang toshga urilib, yiqilib tushibdi. Ancha vaqt o‘tsa ham o‘rnidan turmasmish.
Buni kuzatib turgan bola yoniga kelsa, qiz osmonga qarab, bemalol yotganmish.
Shunda bola:
— Ey singlim, qattiq yiqilmadingizmi? Keling qo‘lingizni bering, - desa, qiz:
— E bor-ye, shirin hayolimni ham beliga tepding, - dermish.