Doda latifalar

— Eshitishimcha, qo‘shnilaring juda ahil, huddi qush kabutarlarday yashasharmish.
— To‘ppa-to‘g‘ri! Goh hotini oynadan otilib chiqadi, gohida eri.

Afandi onasidan chuchvara qilib berishni iltimos qildi.
— Xo‘p,— dedi onasi.
— Sen menga taxta-o‘qlog‘ini topib ber.
Afandi uzoq axtarib, topolmadi. Keyin onasiga:
— Oyi,— dedi,— taxta-o‘qlog‘ini topay-topay deb qoldim. Endi o‘zingiz jinday qidirsangiz topasiz-qo‘yasiz.

— Xorma do‘stim! Xotining yaxshimi?
— Yaxshi-ku, moy almashtiradigan vaqti kelib qoldi. Sen qaysi birini so‘rading o‘zi...?

Ko‘zidan shikoyat qilgan bemor okulist ko‘rigiga kelibdi.
Turli xil harflar yozilgan Sivseva jadvalini bemorga ko‘rsatib vrach debdi:
— Xo‘sh bemor, oxirgi qatordagi so‘zlarni ko‘ryapsizmi? O‘qing-chi!
— O‘qituvchi nashriyoti. Adadi 5000.

It huradi, karvon o‘tadi. Qanday ajoyib logistika!

Sudya jabrlanuvchidan so‘rabdi:
— Sizni tilla zanjiringizni o‘g‘irlab qochgan shaxsni taniy olasizmi?
Jabrlanuvchi:
— O‘g‘rining advokati himoya nutqidan keyin, meni o‘zi tilla zanjirim bor-yo‘qligiga ham shubhalanib qoldim, o‘rtoq sudya...!

Eri uxlayotgan paytda xotin uning telefonidagi barcha yozishmalarini qarab chiqdi va o‘zining ijtimoiy tarmoqlardagi shaxsiy holatini "beva" deb belgilab qo‘ydi??‍♂️

— Do‘stim, men ishdan bo‘shadim!
— Nega bo‘shading?
— O‘zimni ishsizlikda sinab ko‘rmoqchiman.

Ikki dugona suhbatlashmoqda:
— Nega nikoh uzugingni boshqa barmog‘ingga taqib olding?
— Chunki boshqa insonga turmushga chiqqanimni tushunib oldim.