Ikki dugona suhbatlashmoqda:
— Mashhur kino yulduzi bo‘lsam, butun dunyo men haqimda gapirsa, deyman.
— Sen haqingda butun mahalla gapirayotgani kamlik qilyaptimi?
Futbol murabbiyi farzandli bo‘ldi. Lekin ertaga uni juda muhim o‘yin kutib turibdi. Shuning uchun murabbiy tug‘uruqxonaga maydonga tushmaydigan o‘yinchini jo‘natibdi.
O‘yinchi tug‘uruqxonadan qaytib kelib, taasurotlari haqida gapirib berdi.
— U sizni o‘zingiz. Kichkinagina, baqaloq, hech narsani tushunmaydi, faqat baqirgani baqirgan.
Shifoxonada davolanib chiqayotib, bir kishi shifokorga minnatdorchilik bildirdi:
— Ming-ming rahmat sizga shifokor-jon! O‘z minnatdorchiligimni qanday izhor qilishni ham bilolmay qoldim…
Unga javoban shifokor ma’noli iljaydi-da, dedi:
— Eh, azizam, bilasizmi, insoniyat pul degan qudratli narsani o‘ylab topganidan beri minnatdorchilik izhor qilish yo‘li osongina hal etilgan.
— Bizning korxonamizda faqatgina kerakli kadrlar faoliyat yuritishi kerak, - deb ta’kidladi «Qo‘ng‘iroqcha» fermasining ma’naviyat ishlari bo‘yicha direktor o‘rinbosari yordamchisi ish yurutuvchisining kichik 3-razryadli kichik referent-kotibi.