Doda latifalar

Ikki chukcha ketayotsa, biri ikkinchisiga:
— Qara, men 10 dollar topib oldim!
— Malades, iye nimaga tashlab yubording?
— Qalbaki ekan.
— Qayerdan bilding?
— 10 da ikkita nol borligini ko‘rganmisan?

Shogird ustozi piru komildan so‘rabdi:
— Aytingchi ustoz, nega qizlar erga tegayotgan paytda ixcham, yengil bo‘ladilar, ya’ni 40-50kg atrofida?
— Oilaga tezroq va osongina kirib olish uchun, - deb javob beribdi ustoz.
— Nega ular hech qancha vaqt o‘tmay 2-3 barobar bo‘lib og‘irlashib ketadilar?
— Og‘irlashib ketishlarini sababi shuki, ularni oiladan itarib yuborib chiqarish qiyin bo‘lishi uchun, - degan ekan ustoz.

Yangi yilni nishonlab tongga yaqin bir ahvolda uyga kirib kelgan erni xotini kutib olibdi.
— Yuzimga qarashga endi qanday chidaysiz? – debdi xotini.
Er bo‘lsa unga:
— Hechqisi yo‘q onasi, shuncha yil chidab kelyapman, bu yog‘i ham qarayveraman, - dermish.

Agar rahbarimiz ishxonada bo‘lmasa xonamda yotib uxlayman.
Agar rahbarimiz ishxonada bo‘lsa xonamda xushyor yotib uxlayman.

O‘qituvchi so‘rabdi:
— Alisher, nima uchun "Mening mahallam" mavzusidagi inshoing Qodirjonning inshosi bilan bir xil yozilgan.
Alisher debdi:
— Chunki men Qodirjon bilan bitta mahallada yashayman-da!

Bola uyga kelib adasiga dedi:
— Bugun maktabda 5 baho oldim.
Adasi so‘rabdi:
— Qaysi savolga javob berding?
Bola:
— Atom zarrasida nechta molekula bor? - degan savolga 2 ta deb javob berdim.
Otasi:
—Atomda molekula 3 ta-ku?!
Bola:
— Hamma 1 ta deb javob berdi. Meniki to‘g‘ri javobga yaqin keldi.

Eng yaxshi tong bu - o‘rningdan turding, yuvinib choy ichding va yana yotib uxlab qolding!

— Sizni eng kuchli jihatlaringiz nimada?
— Men insonlarga "yo‘q" deya olaman!
— Bunga misol keltira olasizmi?
— Yo‘q!