Спорт

Бокс. Жангнинг 2-раундидан сўнг боксчи ҳансираб тренеридан сўраяпти.
— Нима деб ўйлайсиз, юта оламанми?
— Албатта ютасан! Агар қўлларингни шундай ҳилпиратаверсанг, охир оқибат қаттиқ шамоллаб ётиб қоласан!

Telegram
2 oy avval

Ёши бир жойга бориб қолган футбол ишқибози болалик хотираларини гапириб бермоқда:
“Бир ёшлигимизда жаҳон чемпионатини оқ-қора телевизорда кўрар эдик. Бир гал эсимда, телевизоримизни рангини оқартириб юборсам, экранда англияликлар кўринмай қолди. Экранни сал қорайтирсам, майдондан нигерияликлар йўқолиб қолди”.

Telegram
1 hafta avval

Навбатдаги мағлубиятдан кейин Ўзбекистон футбол ишқибозлари чойхонага кириб аскиялашиб ўтиришганмиш:
— Ман ўйинчиларимиз тепган тўпини капалакка ўхшатдим.
— Нега?
— Бурчакдан тўп тепишлари ҳудди капалак оҳиста учиб, рақиб дарвозабонини қўлига секингина қўнгандай бўлганлиги учун...
— Мен эса ўйинчиларимизни эртакларимиздаги кенжа ботирга ўхшатдим.
— Нега?
— Тўп билан дарвозага яқин келганда дарвозага тепайми, чапга оширайми ёки ўнггами? - деб чуқур ҳаёлга ботишганлиги учун...
— Мен эса ўйинчилармизни меҳмондўст азаматларга ўхшатдим.
— Нега?
— Ҳеч кўптокни талашишмайди. Олинг-олинг деб меҳмонларга узатгани учун...

Telegram
4 soat avval

Ўзбек футболчиларининг жаҳон чемпионатига чиқмаётганини сабаблари:
1. 2010 йил – Африка жуда иссиқ эди.
2. 2014 йил – Бразилия узоқлик қилди.
3. 2018 йил – Россияга ўзбеклар борса, қурилишга келишди деб ўйлашади.
4. 2022 йил – бир баҳона топилиб қолар ...

Telegram
1 hafta avval

Спорт залидан қайтган эр хотинига дебди:
— Ҳамма жойим оғриб кетяпти. Тренерим айтдики, мушакларим оғриса, демак улар ўсаётган бўларкан.
Хотини эрини бошига бир уриб:
— Оғридими? Қани энди, миянгиз ҳам ўсиб қолса эди...

Telegram
1 hafta avval

Даврон югуришни, экстремал спорт турларини, адреналинни, дарахтга чиқиш-у, девордан ошиб ўтишни ёқтирмас эди. Бироқ янги кўчиб келган қўшнининг иккита бультерьер ити Даврондаги яширин қобилиятларни очиб берди...

Telegram
1 oy avval

Журналист футбол терма жамоаси аъзосидан сўрабди:
— Сиз бу касбда нималарга эришдингиз ва келажакда нима режаларингиз бор?
— Мен бу касбим орқасидан Дубай, Австралия, Япония, Хитой, Қатар ва ...ларга саёҳатлар қилдим. Келажакда Европа бўйлаб саёҳат қилиб, ...
— Орзуларингиз чексиз экан. Энди футбол мавзусига қайтсак, - дебди журналист.

Telegram
2 kun avval

Тўхтамасдан узоқ югурган одамга сояси дебди: “Бунча шошиласан!? Дам олайлик!

Telegram
3 hafta avval

Бир куни Криштиану Роналду бурчакдан тўп тепаётганда тўп ўрнига қаттиқ тошни тепиб ҳушидан кетиб қолибди. Туриб қараса, шифохонада. Ҳамма қора кийимда. Шунда ҳайрон бўлиб, қора кийимдаги қора Кьеллинига қараб:
— Ҳа, мени ўлди деб ўйладингларми? - деса
— Йўқ, сен тепган тўпга калла қўйган Манжукич ўлди, - дермиш.

Telegram
4 hafta avval

1. Тўп эгасини топади.
2. Дарвозабон кўзини сузмаса, ҳужумчи гол урмайди.
3. Ҳакам битта гапиради.
4. Голни гол қиладиган ҳам ҳакам, гоҳида пул қиладиган ҳам ҳакам.
5. Гол урсанг роҳат топасан.
6. Етти ўлчаб тепгунча, тўпни олдириб қўясан.
7. Ҳужумчи ўзар, ҳимоячи тўзар.
8. Ҳужумчини югургани дарвозагача.
9. Ҳужум қилсанг, гол урасан.
10. Ҳужуминг 100 та бўлса ҳам оз, рақиб ҳужуми битта бўлса ҳам кўп.
11. Ҳакамга яқинлашсанг, карточкали бўласан.
12. Мураббий ҳужумчини майдонда синайди.
13. Олдин ўзингга ур, кейин рақибга.

Telegram
3 kun avval