Ota o‘g‘liga debdi:
— O‘g‘lim, maktabdagi baholaringni qachon to‘g‘rilaysan?
— Harakat qilyapman adajon. Lekin ustozim bir daqiqaga ham jurnalni tashlab chiqib ketmayaptilar-da...
Boy va kambag‘al suhbat quripti!
Boy:
— Meni 14ta mashinam, 3ta avtobusim, 2ta kafeyim bor. Sendachi, - debdi kambag‘alga.
Kambag‘al:
— Meni o‘g‘lim bor, o‘g‘limda esa qizing bor!
Buvi uxlab yotgan nabirasini uyg‘otyapti:
— Turaqol, bolajonim! "Kim erta tursa, xudo unga qo‘sh qo‘llab beradi" degan gap rost ekan. Qara,tong saharda sayrga chiqib nima topib oldim. Ichi pulga to‘la hamyon.
Nabirasi:
— Axir o‘sha hamyonni yo‘qotgan odam sizdan oldinroq turgan-ku!?
Besh yoshli qizaloq xonani burchagida turib, onasiga debdi:
— Oyijon, shu ishingiz to‘g‘rimi?
— Yomon hulqing uchun seni jazoladim. O‘sha joyda tur!
— Yosh bo‘la turib, shu burchakda, siz haqingizda yomon fikrlay boshlayapman! Yaxshi emas, oyijon!
Ikki tilanchi lo‘li ayol uchrashib qolishibdi:
— Voy dugon bormisan, ko‘rinmaysan?
— Ibi hoy, eshitmadingmi qizimni erga berdim!?
— Sepiga nima berding?
— O‘zimga tegishli katta ko‘chani berdim.
— Tutuning chiqsin sani, endi gado bo‘libsan!
Ota-bola pashshalar axlat yeb o‘tirishsa, bolasi otasiga qarab:
— Ota, nimaga doim biz axlat yeymiz? - desa, otasi:
— O‘g‘lim, ovqat ustida axlatni gapirma! - dermish.
Bir boyvachcha rusning qizi dadasiga:
— Dada, men erga tegayapman!
— Kimga?
— Popga.
— Nima aqldan ozdingmi? Popni nima qilasan?
— Dada bu sevgi, yuragimga buyruq berolmayman axir
— Kechki ovqatga olib kel uni, men bir gaplashib ko‘raychi.
Kechki ovqatda suhbat boshlanibdi.
— Xo‘sh kuyov bola, mani qizimni bitta kiyimi 10000$ turadi, har haftada almashtiradi. Qanday olib berasan?
— Xudoyim o‘zi yordam beradi.
— Har haftada bir marta Parijda sochini turmaklatadi, bunichi?
— Xudoyim o‘zi yordam beradi
— Qizim faqat Ferrari minadi, har yarim yilda yangi modelidan oladi, buni nima qilasan?
— Xudoyim o‘zi yordam beradi.
Ovqatdan keyin pop ketibdi. Qizi dadasidan so‘rabdi:
— Xo‘sh dada kuyov sizga yoqdimi? Qanday ekan?
— O‘ziku toza laqma ekan, lekin meni xudo deb bilayotgani menga yoqdi.
Aka-singil karamli salat yeb o‘tirishgan ekan akasi:
— Singlim, echkiga o‘xshab o‘tirishimizzi qara! - desa, singlisi:
— Siz balki echkiga o‘xshab ketyapsiz, men quyonchaman! - dermish.
Bir kishiga savol berishibdi:
— Kim ko‘proq hayotidan mamnun bo‘lib yashaydi? To‘rtta bolasi bor odammi yoki to‘rt million puli borimi?
— To‘rtta bolasi bor odam-da! Chunki, to‘rt millioni bor odam yana ko‘proq pul xohlayveradi...
— Behuda kutyapsan, bolam. Bu avtobus faqat bayram kunlari yuradi, - dedi kampir bekatda turgan o‘smirga.
— Bugun mening tug‘ilgan kunim, - dermish bola ham...