Бугун автобусда уйга қайтаётсам, негадир ҳамма йўловчилар товуш чиқармасдан жимгина кетишмоқда.
Тушаётганда ҳам жим... Йўловчилар нега бундай овоз чиқармай, шовқин қилмай кетаётишганига ҳайрон бўлиб, чиптачига қарасам, чиптачи ухлаб қолган экан...
Инструктор машиналар тирбанд йўлдан кетаётса, олдиндаги автомобиль қоидаларни бузиб, хавфли ҳаракатлар билан ҳайдай бошлабди. Жаҳли чиққан инструктор автомобильни қувиб ўтиб, ойнадан бақирибди:
— Қайси аҳмоқ ўргатган сенга машина бошқаришни?!
— Вой устоз, ассалому алайкум! - дермиш ҳайдовчи...
Терговчи гумондорни сўроқ қиляпти:
— Сиз жиноятни содир этганликда шуҳба қилинмоқдасиз. Фамилиянгиз нима эди, ёдимдан чиқди...?
— Бошингиз уйда ёдингиздан чиқиб қолмадими, мабодо?
Агар душанба куни ишга чиқишга қийналсангиз, дам олиш кунларисиз ишланг!
Истироҳат боғидаги курсида икки нафар истеъфодаги генерал суҳбатлашиб ўтиришибди:
— Эсингдами, Коля, биринчи жаҳон уруши йилларида окопларда аёллар ҳақида ўйламаслигимиз учун бизга таблеткалар беришган эди?
— Эсимда, албатта, пушти таблеткалар беришган. Тинчликми, нега эслаб қолдинг?
— Шунчаки ўзим... Назаримда ўша таблеткалар энди таъсир қиляпти шекилли...
Дугоналар суҳбатидан:
— Эримни феъли жуда-ям оғир, умуман яшаб бўлмайди.
— Унда ажраш у билан...
— Ажраш?! Нималар деяпсан?! Мени ҳаётимни расво қилган одамни шунчаки озодликка қўйиб юбориб, бахтли ҳаётга қайтараман-ми?
Дўконга кирган қайсар харидор янги иш бошлаган сотувчи қизга дебди:
— Хизмат кўрсатишингиз жуда-ям ёмон! Мен сўраган буюмларни ҳаттоки турган жойини ҳам билмайсиз. Маҳсулотлар пала-партиш тахланган, умуман тартиб йўқ...!
Қўрқиб кетган ёш сотувчи йиғлаб юборай деб турса, бояги харидор яна баланд овозда:
— Сизда ўзи инсоф борми? - деса, сотувчи қиз шошилиб:
— Бор-бор, бўлиши керак! Ҳозир топиб бераман...! - дермиш.
Ота-она ўғлини армияга кузатяпти.
Она:
— Доим ҳақиқатни ёзгин!
Ота:
— Э, уёқда ҳар битта хатни текширишади.
Она:
— Унда аҳволинг ёмон бўлса, қизил, яхши бўлса, кўк рангли сиёҳда хат ёзгин!
Ўғил жўнаб кетди. Орадан қанчадир вақт ўтиб, кўк сиёҳда ёзилган хат келибди:
"Онажон, отажон, ҳаммаси яхши! Фақат, бу хатимни қизил кўзойнак тақиб ўқинглар..."
Бир пиёниста киши докторга борибди. Врач:
— Нима бўлди, шикоятингиз? - деб сўраса, ҳалиги одам:
— Кеча оғайниларим билан болаларни соғлиги учун ичдик, аёлларимизни соғлиги учун ичдик, қўшниларни соғлиги учун ичдик, охири негадир ўзимни соғлиғим ёмонлашди, - дермиш.
Қизни уйига совчилар келиб, йигитни мақтай бошлашибди:
— Ўғлимиз ичмайди, чекмайди, қизлар билан-ку умуман гаплашмайди...
Қизнинг онаси:
— Соғлиғи жойидами ишқилиб???
Latifa.uz лойиҳаси ҳақида
Latifa.uz - ҳар куни янги ва сара ичакузди латифалар, ҳангомаларни тақдим қиламиз. Турли мавзуларда энг зўр латифалар: эр-хотин, севишганлар, дўстлар, ишхона, бозор, ҳайдовчилар, ўқитувчилар, шифокорлар, 8 март, янги йил, футбол, афанди ва яна кўплаб мавзуларда латифалар биринчи бўлиб бизнинг сайтимизда чиқади. Вақтингиз мароқли ўтади, дўстлар давраси, чойхона ва гапларда бизнинг латифаларни айтиб даврани бемалол қиздира оласиз. Долзарб мавзуларда кулгули расмлар, юморга бой диалоглар ҳам сизни мутлақо бефарқ қолдирмайди.
Ижтимоий тармоқларда тарқалган латифаларнинг аксарияти айнан Latifa.uz сайтининг канал ва саҳифаларидан олинади. Телеграм, Инстаграм, Фейсбук, Твиттерда бизнинг латифалар орқали одамлар бир-бирига ҳуш кайфият улашадилар. Шу билан бирга сайтимиз одамларни кайфиятини кўтарган ҳолда ёшларнинг саводхонлик даражасини ошириш, сифатли матнлар билан уларни кўпроқ мутоалаа қилишга қизиқтириш. Биз интернетда секс, порно, зўравонлик ҳамда 18+ матнларни тарқалишига мутлақ қаршимиз. Белдан пастга тушмаган самимий юмор билан одамларнинг ҳордиғини мазмунли ўтишига ҳисса қўшиш учун астойдил ҳаракатдамиз, ёшлар орасида эротика ва порнография тарқалишини олдини олишни тўлиқ қўллаб қувватлаймиз.
Агарда бирон-бир латифа бўйича эътирозлар бўлса, бизга ҳабар берсангиз сайтдан ўчириб ташлаймиз.