Йигит ва қизнинг телефондаги суҳбатидан:
— Алло, азизим, бу йил ҳам контрактга кирибсизми?
— Ҳа!
— Унда яна тўрт йил уйланмай турасиз...
— Нега?
— Мен ҳам контрактга кирибман...
Бир киши катта кўлнинг қирғоғида ўтирса, туристлар келиб сўрашибди:
— Нега бу ерда ўтирибсиз?
— Мен кўлнинг нариги қирғоғига сузиб ўта оламан, - дебди бояги киши.
— Қанча вақтда ўргандингиз буни, - дейишибди туристлардан бири.
— Беш йил умрим кетди, - дебди.
Шунда туристлар кўлнинг нариги қирғоғига ўтказиб қўядиган қайиққа ўтириб, қайиқчини қўлига икки минг пул бериб, ҳалиги кишига дейишибди:
— Беш йил умрингиз икки минг сўм турар экан-да!?
Онаси ёш қизалоғидан:
— Сенга ука олиб келайми ёки сингилми? - деб сўраса,
Қизалоқ хўмрайиб туриб:
— Ҳеч ким керакмас! Ҳозир замон кўтармайди! - дермиш.
Ёш йигит қўшни қизга мурожат қилибди:
— Яхши қиз, сизни дастингиздан тунлари ухлай олмаяпман...Туни билан мижжа қоқмайман... Кўзимга уйқу келмаяпти...
Қиз йигитни кўзларига қарай олмасдан, уялиб, ерга боқиб дебди:
— Яхшиси бу гапни мени отамга айтинг. Мени қўлимдан нима ҳам келарди... Отам билан гаплашганингиз маъқул. Ҳаммасини отам ҳал қиладилар. Ахир туни билан магнитафонни адам баланд қилиб эшитяптилар-ку...
Чекишнинг зарари аниқ исботланди. Чеккани чиққанимда ўртоқларим овқатимни еб қўйишибди.
Бугун эрталаб ишга келсам, компьютеримни сичқончаси ишламаяпти. Шеригимники-ям, наригисида-ям, ... Бутун бўлимда ишламаяпти. Нега ишламаётганини тушуна олмай пешингача бош қотирдик. Нариги бўлимни сичқончасини олиб чиқиб қўйсам, ишлаяпти...
Бир пайт сиқчончамни ўгириб қарасам, тагида сенсор нури тушадиган жойига инвентарь рақамини ёпиштириб кетишибди. Минг лаънат, кеча бухгалтерия инвентаризация ўтказган эди-ку...
Қари бой оламдан ўтибди. Фарзандлари отасининг ўлимидан сўнг нотариус ёнига бориб, васиятномани ўқишибди:
"Мен, фалончи фалончибоев соғлиғим ва ақлим жойида пайтимда, ҳеч кимнинг таъзиқисиз, ўз хоҳишимга кўра ўлимим олдидан бор бойлигим ва ҳамма йиққан-терган пулларимни ишлатиб юбордим!"
Терговчи сўроқ қилинаётган кишидан сўрабди:
— Фақатгина ўз кўзингиз билан кўрган нарсаларни айтинг! Демак, туғилган санангиз?
— Билмайман, ўртоқ терговчи. Буни мен кўзларим билан кўрмаганман!
Дўкон кассасида турган қизни ёнига бир киши келиб мулойимлик билан:
— Яхши қиз, икки пачка беринг. Йўқ, уч пачка, тўрттасини берақолинг! - дебди.
— Нимани пачкасини? Антибиотик? Сироп? Ёки... Қаериз оғрияпти ўзи?
— Ҳозир кўрсатаман сенга қаерим оғриётганини! - деб шимини чўнтагидан қурол чиқариб:
— Кассадаги ҳамма пулларни бер бу ёққа! Биз ўғрилармиз!!!
Бир эркак уйга келса, хотини ётоқхонада ётган эмиш.
— Бемаҳалда нега бу ерда ётибсан? - деса, хотини:
— Юрагим ҳуруж қилиб қолди, - дебди.
Эри тез ёрдамга қўнғироқ қилиш учун йўлакдаги телефонга югуриб чиқса, ўғли дебди:
— Ада, шкафни ичида қўшни амаки ўтирибди!
Эр ётоқга қайтиб кириб, шкафни очса, ҳақиқатдан қўшни киши кийимсиз ўтирган экан.
Шу пайт эрини жаҳли чиқиб кетиб, шкаф ичидаги қўшнисига қараб:
— Анави ерда хотинимни юраги ҳуруж қилиб ётибди, сен бўлса шкафни ичида хотиржам ўтиришингни қара! - дермиш.
Latifa.uz лойиҳаси ҳақида
Latifa.uz - ҳар куни янги ва сара ичакузди латифалар, ҳангомаларни тақдим қиламиз. Турли мавзуларда энг зўр латифалар: эр-хотин, севишганлар, дўстлар, ишхона, бозор, ҳайдовчилар, ўқитувчилар, шифокорлар, 8 март, янги йил, футбол, афанди ва яна кўплаб мавзуларда латифалар биринчи бўлиб бизнинг сайтимизда чиқади. Вақтингиз мароқли ўтади, дўстлар давраси, чойхона ва гапларда бизнинг латифаларни айтиб даврани бемалол қиздира оласиз. Долзарб мавзуларда кулгули расмлар, юморга бой диалоглар ҳам сизни мутлақо бефарқ қолдирмайди.
Ижтимоий тармоқларда тарқалган латифаларнинг аксарияти айнан Latifa.uz сайтининг канал ва саҳифаларидан олинади. Телеграм, Инстаграм, Фейсбук, Твиттерда бизнинг латифалар орқали одамлар бир-бирига ҳуш кайфият улашадилар. Шу билан бирга сайтимиз одамларни кайфиятини кўтарган ҳолда ёшларнинг саводхонлик даражасини ошириш, сифатли матнлар билан уларни кўпроқ мутоалаа қилишга қизиқтириш. Биз интернетда секс, порно, зўравонлик ҳамда 18+ матнларни тарқалишига мутлақ қаршимиз. Белдан пастга тушмаган самимий юмор билан одамларнинг ҳордиғини мазмунли ўтишига ҳисса қўшиш учун астойдил ҳаракатдамиз, ёшлар орасида эротика ва порнография тарқалишини олдини олишни тўлиқ қўллаб қувватлаймиз.
Агарда бирон-бир латифа бўйича эътирозлар бўлса, бизга ҳабар берсангиз сайтдан ўчириб ташлаймиз.