Дода латифалар

Карантин даврида тиббий ниқоблардан фойдаланилаётганлиги учун аёллар лаб бўёқларини ишлаб чиқариш кескин қисқартирилди.

— Мен янги антирадар сотиб олдим.
— Хўш, нима каромат кўрсатар экан?
— ЙПҲ ходими турган жойга 300 метр қолганда "Пулни тайёрла!" деб айтади.

Хотини эри яна уйга маст бўлиб келганини кўриб жанжал қилибди:
— Иккинчи ичманг деб айтгандим-ку сизга!
Бўлди энди уйимга кетаман!
Эри хотинини тинчлантириб:
— Ўзингни бос хотин! Мен иккинчи ичмадим, биринчи ичдим. Улфатларим иккинчи ичди, - дермиш.

Бозорда ишбилармон одам тарвуз сотаётган экан.
Уни ишбилармонлигини қаранг! 1 та тарвуз 3 минг, 3 та тарвуз 10 минг деб ёзиб қўйибди.
Бир харидор ёнига келиб:
— Сен харидорни чалғитмоқчи бўлдингми?! Ҳозир мен 1 тадан 3 та тарвуз сотиб оламан 9 минг сўм бўладими? - дебди.
Сотувчи:
— Ҳа, шунақа бўлади, - деб 3 та тарвузни сотиб юборибди.
Харидор кетаётиб:
— Савдо қилишни билмас экансан! - деб кулиб кетибди.
Сотувчи бўлса:
— Менга ақл ўргатишини қара! 1 та тарвузни ўрнига 3 тадан сотиб юборяпман-ку! - дебди.

Уйланганига кўп бўлмаган йигит дўстига:
— Шу кунларда бир нарсани тушундим.
Дўсти:
— Нимани?
— Одам ато энг бахтли эр бўлган экан.
— Нега?
— Чунки уни қайнонаси бўлмаган!

Ҳурматли қизлар! Агар қизлар билан юрмайдиган йигитга турмушга чиқмоқчи бўлсангиз, карантин айни вақти.
Муддат: Карантин даври тугагунча!

— Агар қўлимда нечта мандарин борлигини айтсанг, иккаласини ҳам сенга бераман.
— Иккита!
— Қандай топдинг???

— Ботир, сен бугунни ўзида иккита қопни йўқотдинг!
— Ахир мен ишлаяпман-ку! Иш бор жойда камчиликлар бўлади-да!
— Ботир! Сен инкасаторсан!!!

Кечаси сериал кўриб ўтирган набирасига бувиси:
— Кириб ёт! Кундузи қайтаради. Ўшанда кўрасан! - деса, набираси:
— Кундузи тўлиқ кўрсатмас экан. Айрим жойларини қирқиб ташлашар экан инсофсизлар, - дермиш.

Бошлиқ мажлис ўтказяпти:
— Сатторов! Сиз умуман маъсулиятни ҳис қилмаяпсиз! Ишга кеч келасиз! Топшириқларни бажармайсиз! Бундай давом этаверса, сиз билан бирга ишлай олмаймиз! - деса, Сатторов ўрнидан туриб:
— Бошлиқ, қаёққа кетмоқчисиз? - дермиш.