Дода латифалар

Бир йигит миллионернинг қизига уйланиб бойиб кетибди. Унинг уйига болаликда бирга ўсган дўсти меҳмонга келибди. Хотини чой дамлашга чиқиб кетган пайтда:
— Оғайни бу қизга нега уйландинг? Бунчалик хунук қиз бўлмаса, кўзиям ғилай, юриши ҳам нето, унинг устига дудуқ ҳам экан, - деб шивирлаб паст овозда гапирса...
— Шивирламай қаттиқроқ гапиравер, барибир эшитмайди, - дермиш

Хотин эрига:
— Дадаси, эсингиздами сиз билан танишган кунимиз роса чақмоқ чалиб шамол бўлганиди?
Эри:
— Ушанда она табиат мани ҳавфдан огоҳлантирган экан, ман аҳмоқ буни тушунмаган эканман.

Ишхонада бирга ишлайдиган жувон эрининг суюқоёқлигидан нолиб гапириб, у билан ажрашмоқчи бўлаётганини айтган экан, дадам уни фикридан қайтаришга уринибди:
— Ўйнаш дегани носга ўхшаган бир нарса, ҳумори тутганда чекилади-ю, кейин туфлаб кетилаверади, синглим. Минг марта шукур қилингки, сиз эрингизнинг носқовоғисиз.

Радиога қўнғироқ:
— Салом, мени исмим Тешавой! Мен кеча дипломат топиб олгандим. Ичида 50 минг Евро ва паспорт бор экан. Менимча дипломат эгасини паспорти шекилли, исми Болтавой экан, шу биродаримизга яхшилик қилмоқчиман.
— Ростанам, пулларини қайтариб бермоқчимисиз?
— Йўқ, шу одамни номига бир қўшиқ қўйиб беришингизни сўрайман.
— Ие, қанақа қўшиқ?
— "КАЙФУЕМ" деган қўшиқни қўйиб берсангизлар дегандим!

Бир киши денгиз бўйига келиб:
“Агар ушлаб олсам, қовуриб ейман!” деб бақираётган экан.
— Нимага бундай деяпсан? - деб сўрашса, ҳалиги киши:
— “Олтин балиқ” ушлаб олиб, ундан Феррери сўраган эдим. Балиқни дарҳол қўйиб юбордим-да, машинани ичидан мени номимга расмийлаштирилган 700 минг долларлик кредит қоғози чиқди.

Моргда:
— Бу иккаласи ковиддан вафот этганми?
— Ҳа.
— Биттасини боши ёрилган-ку?!
— Бозорга тиббий ниқобсиз кирибди.
— Иккинчисига пичоқ урилган-ку!
— Бозорга гўшт олишга борган экан. Қассобни олдида ниқобсиз аксириб юборибди.

— Доктор, давоси йўқ қандай дардга чалинибман?
— Пулсизлик дарди...

Иккита қозоқ қиз:
— Дугонажон, сени йигитинг қачон олиб қочади-ю, тўй қиласизлар?
— Билмадим, ҳозирча фақат гапни олиб қочяпти!

— Алло, адаси уйимиз ёняпти!
— Намунча ваҳима қиласан?! Ҳар куни ёнмаяпти-ку!

Ажойиб ҳаёлпараст кўчада битта тақа топиб олиб ўзига-ўзи дебди:
Ана энди 3 та тақа билан 1 та от бўлса бўлди!