Дода латифалар

Кечаси сериал кўриб ўтирган набирасига бувиси:
— Кириб ёт! Кундузи қайтаради. Ўшанда кўрасан! - деса, набираси:
— Кундузи тўлиқ кўрсатмас экан. Айрим жойларини қирқиб ташлашар экан инсофсизлар, - дермиш.

Бошлиқ мажлис ўтказяпти:
— Сатторов! Сиз умуман маъсулиятни ҳис қилмаяпсиз! Ишга кеч келасиз! Топшириқларни бажармайсиз! Бундай давом этаверса, сиз билан бирга ишлай олмаймиз! - деса, Сатторов ўрнидан туриб:
— Бошлиқ, қаёққа кетмоқчисиз? - дермиш.

Ишончим комил! Орадан 50 йил ўтиб набираларим мени шу кунларда уйдаги диванда телевизор кўриб ётганим ҳақидаги ҳикояларимни эшитиб "Буважон, ғалаба учун раҳмат" деб айтишади.

Карантинда ўтириш жуда фойдали экан.
Битта пакетга 2078 та, иккинчи пакетга эса 3020 та гречка донасини солиб бизни алдаб юришган экан инсофсизлар! Бугун шуни аниқладим!

Бошлиқ ходимни чақириб сўрабди:
— Сиз тушларни ўнгидан келишига ишонасизми?
— Ҳа, ишонаман, - дебди ходим.
— Унда сиз ишдан бўшадингиз, - дебди бошлиқ.

— Нега аёлларни армияга чақиришмайди? ⠀
— Улар “эркин” деган буйруқни нотўғри бажаришади.

Афанди эшиги олдидаги супачада талқон еб ўтирарди. Энди талқонни оғизга соламан деганда шамол эсиб, талқонни учириб юборибди. Оғизга ҳеч нарса тушмабди. Шу ҳолат 2-3 марта такрорланибди. Қўшниси девордан мўралаб:
— Ҳой қўшни нима еяпсиз? – деса, афанди:
— Шамол тўхтамаса, ҳеч нарса! – дермиш.

Бир куни Афанди чойхонага эшаги билан бориб, эшагини ташқарига боғлаб қўйибди.
Бироз вақт ўтгач, чиқиб қараса эшаги йўқмиш...
— Ўғри, ўғри! Эшагимни ўғирлаб кетишди! – деб бақира бошлабди.
Одамлар йиғилибди. Афанди яна дебди:
— Эшагим йўқ! Шу ерга боғлаб кетган эдим. Агар борди-ю эшагим топилмас экан, отам қилган ишни қиламан ҳозир! – дебди.
Одамлар ҳайрон қолиб “Отангиз нима қилганлар?” деб сўрайверишибди.
Шунда афанди:
— Отамни ҳам эшаги йўқолиб қолганда, уйга пиёда кетганлар, - деган экан.

Бир эркак стоматолог хонасига кирибди.
Врач:
— Киринг. Нима шикоят? – деб беморга қараса бемор қўрққанидан қалтираётганмуш.
Наркози қолмаган врач беморга бир пиёла ароқни ичириб юборибди-да дебди:
— Ана энди ҳеч нарсадан қўрқмайсиз. Гапиринг, - деса, бемор:
— Қани энди бирортанг тишимга тегиб кўр-чи! – дермиш.