Дода латифалар

— Нимага аёллар бунчалик рашкчи бўлишади?
— Чунки бошқа аёллар нимага қодир эканини улар яхши билишади!

Она уйга келса, ўғлининг кундалиги бурчакда тик турган экан. Ҳайрон бўлиб сўрабди:
— Ўғлим, нега кундалигинг у ерда турибди?
Ўғли:
— Бугун у “2” баҳо олди. Шунга жазолаяпман, - дермиш.

Кўчада кетаётган йигитни олдидан бир лўли чиқиб:
— Ако келинг, бир фол кўрай! Агар яхши хабар айтсам, 2000 сўм берасиз. Ёмон хабар айтсам, 1000 сўм, - дебди.
Йигит рози бўлиб, қўлини узатибди.
Лўли йигитни кафтига қараб:
— Хотинингиз ҳомиладор экан. Яқинда эгизак ўғилларингиз бўлади, - деса,
Йигит хурсанд бўлиб, 2000 узатибди.
Лўли 1000 сўмни қайтиб бериб:
— Шошманг ако, охиригача эшитинг. Болаларни отаси сиз эмассиз..., - дермиш.

Бувимни телеграм ҳақидаги фикрлари:
"Яхши нарса экан. Қариндош-уруғинг билан гаплашасан, кўришасан-у, дастурхон, тоғора деганларини қилиш шарт эмас экан".

Болалар учун янги йил арчаси давом этади!
Таътил узайтирилди. Ҳеч ким мактабга чиқмасин!
Дарслар бошланди. Ҳамма мактабга чиқсин!
Таътил узайтирилди. Ҳеч ким мактабга чиқмасин!
Дарслар онлайн бошланди!
Онлайн дарслар бекор қилинди, таътил узайтирилди!

Қўшни синф хонадан келаётган шовқиндан дарс ўта олмаган ўқитувчи шартта ёнидаги синфга кирибди-да, ҳеч нарса демай, тик туриб гапираётган болани қулоғидан тортиб ўзини синфига олиб кириб ўтказиб қўйибди.
Бироздан кейин эшик тақиллаб бир ўқувчи кирибди-да дебди:
— Кечирасиз, боя бизни ўқитувчимизни қулоқларидан тортиб олиб чиқиб кетган эдингиз. Қайтариб берасизми?

Бадавлат одам уйга қайтиб келиб, хотинига дебди:
— Сенга 2 та янгилигим бор. Бири-яхши, иккинчиси ёмон!
— Майли, ёмонидан бошлайверинг! – дебди хотини.
— Бугун козинода ўйнаб, бор бойликларимни ютқазиб қўйдим. Яхши янгилигимни эшит! Ўша козинони ўзи менга тегишли бўлиб чиқди...

— Бизнинг институтда уч сўздан иборат қайси гап кенг тарқалган?
— Мен қаердан билай?
— Тўппа-тўғри.

Йигитлар кўзи билан, қизлар эса қулоғи билан севади.
Ҳозирги замон йигитларини кўзида кўзойнак, қизларни қулоғида эса наушник!
Ўртада бечора севги сарсон...

— Хотинжон! Мен бугун маош олдим! Юр сенга 8—Март байрамига қимматбаҳо кўйлак билан бриллиант кўзли узук сотиб оламиз!
— Вой, дадаси-ей, менга бундай матоҳлар керак эмас. Ундан кўра шу пулларни олиб
ўртоқларингиз билан тоққа бориб дам олиб келинг!
— Ҳурматли радиотингловчилар, сизлар "Идеал эр ва идеал хотин" эртагини тингладингиз.