Дода латифалар

— Чапақайлигинг сенга ҳалақит бермайдими?
— Йўқ. Ҳар бир одамнинг алоҳида жиҳатлари бўлади. Мана масалан сен, қайси қўлингда чойни аралаштирасан.
— Ўнг қўлим билан.
— Ана кўрдингми, эси жойида одамлар қошиқ билан аралаштиришади.

Бир қиз фолбин ёнига бориб:
— Нега мени бахтим очилмаяпти? Мен ҳам бахтли бўлсам, яхши йигитга турмушга чиқсам дейман, - деб дардини айтибди.
Фолбин қизни қўлини ушлаб дебди:
— Сиз хафа бўлманг. Бир яхши йигитга турмушга чиқасиз ва 5 нафар фарзандингиз бўлади.
Орадан йиллар ўтиб, қиз фолбинни ёнига келибди.
— Эсингиздами, менга 5 та фарзандинг бўлади дегандингиз...
— Ҳали ҳам фарзандингиз бўлмадими?, - сўрабди фолбин.
— Йўқ, 5 фарзандга эгаман, лекин айтинг опажон, қачон эрга тегаман, - дермиш.

— Дада, молиявий даҳо ким?
— Хотини сарфлагандан кўпроқ пул ишлаб топадиган одам.

Айтинг-чи, меҳмонхонангизнинг хонаси қанча туради?
— 1-қаватдагилари – 70 евро, иккинчи қаватда – 60, учинчи қаватда – 50, тўртинчи қаватда – 40, бешинчи қаватда – 30.
— Йўқ, раҳмат. Меҳмонхонангиз кам қаватли экан.

Ресторанда. Мижоз официантдан сўради:
— Овқат ҳақини доллардаям олаверасизларми?
— Оламиз.
— Ҳмм... Пластик карточкада-чи?
— Олаверамиз.
— Ҳм-м-м... Ичкиликдан бўшаган шиша билан тўласам-чи?

Антиқа пайтда яшаяпмизда. Статусларни айтаман. Уларни ўйлаб ўзи тўқиб ёзадиганлар ҳам бор, таржима қиладиганлар эса кўпроқ. Биров ёзганини ухлатиб ўзини сайт, группа, каналига қўядиганлар эса улардан ҳам кўпроқ. Ўқиб класс, лайк босиб шахсий саҳифасига қўядиганлар янаям кўпроқ.
Бироқ... Ўша ақлли гапларга, фойдали насиҳатларга амал қиладиганлар жуда оз. Нетдаги ҳаётимиз қуруқ гапга айланиб бормоқда. Америкаликлар тили билан айтганда "Бла, бла, бла..."

Бир алкаш йўлда кетаётса, олдидан 200 сўм чиқибди.
— Ман қайдаги 200 сўмга эгилмайман, - дебди-да, чўнтагидан 500 сўм чиқариб:
— 700 сўмга эгилса бўлади, - дермиш

Бир кун студент ошхонага кириб:
— Ошпаз, манга 4та манти берворинг.
Ошпаз:
— Ўўў, студентла кучайибдими?!
Студент:
— 4та мантига қўшиб, 24та вилкаям беринг.

— Дўстим ортиқча пулингни қандай валютада сақлайсан?
— Озиқ-овқатда-да. Нимада бўларди. Ойлик олдим дегунча, бир ойлик озиқ-овқат сотиб оламан-да ва тамом.

Кунларнинг бирида тошбақа, тулки, бўри учаласи ов қилишиб ўлжани биргаликда ейишга қарор қилиб, тошбақани нонга юборишга келишибди.
Бир соат ўтибди, икки соат ўтибди, келмабди. Тулки билан бўрини қоринлари очиб жахли чиқиб шундай, дебди:
— Агар хозир тошбақа келса косасини иккига айриб мажағлаб ташлайман, уриб абжағини чиқараман, дебди.
Шунда эшик аста очилиб:
— Агар шундай қилсанглар нонга бормайман, дебди.