Дода латифалар

Шарбат сиқиб чиқариш бўйича мусобақа уюштирилибди.
Иштирокчилар бир қўли билан апельсиндан ким кўпроқ шарбат олишга беллаша бошлабдилар.
Биринчи иштирокчи 100 гр. шарбат, иккинчи иштирокчи 200 гр. шарбат, учинчиси эса 500 гр. шарбат сиқиб олибди.
Ғолиб бўлган иштирокчига савол беришибди. “Касбингиз нима?” дейишса, у “Солиқ идораси ходимиман” деб жавоб берибди.

Ҳозирги замон беморлари 2 турга бўлинади:
Биринчиси, пули кам ва тузалмасдан, касалхонадан тез чиқиб кетадиганлар.
Иккинчиси, пули кўп, лекин ҳечам касалхонадан чиқа олмайдиган беморлар!

Бир эркак ҳамкасбига дермиш:
— Хотинимни ангинаси оғриб қолди. Бечорага жуда-ям раҳмим келяпти. Бақиргиси, мен билан жанжал қилгиси келяпти ахир...

Замонавий урушларда баҳоси 100000 миллионлик самолётлар 5000000 миллион турадиган бомбаларни атиги 200 минг турадиган чайлалар устига ташлайди.

— Уят эмасми? Кўринишдан соппа-соғ бўла туриб садақа сўраяпсан. Ишласанг бўлмайдими?
— Мен ишдан кейин сўраяпман.

Ярим соат аввал қанча режаларим бор эди. Овқатландим-у...
Чарчаган эканман, ётиб олдим.

Янги ишга кираётган йигит суҳбатдан ўтаётиб корхона раҳбарининг «Уйланганмисан?», деган саволига шундай жавоб берди:
— Йўқ, мен уйланмаганман. Аммо буйруққа сўзсиз бўйсунаман… Армияда ўргатишган.

Ҳурматли аёллар!
Сизлар уй бекаси эмассизлар! Сизлар уй ишлари бўйича менеджерсизлар!!!

Ярим тун, соат 2:00.
Телефон қўнғироғи жиринглаб, нариги томондан "Нега шу маҳалда ухламаяпсан?" деган саволни эшитиб ақлдан озай дедим.
Менга қўнғироқ қилган одам шу саволни ўзига ҳам бериб кўрганмикин?!

Жарроҳ операция тугагандан сўнг беморга деди:
— Кечирасиз, ичингизда қайчи қолиб кетибди. Сизни бошқаттан операция қилмасак бўлмайди.
— Майли дўхтир. Фақат операциядан кейин қорнимга тугма қадаб қўйинг! Яна бирор нарса қолиб кетса, баданимни кесиб ўтирмайсиз.