Дода латифалар

Инха университети олимлари янги робот-одам яратишибди. У ҳатто ўчирилган ҳолатда ҳам 3та функцияни бажарар экан: кийиниш маданияти бўйича текин маслаҳат бериш, атрофдагиларни сўкиш ва ундан кейин кечирим сўраш.

Тўйларга юрадиган артистларнинг ҳар бири 200га яқин одамни таъминлаб нафи тегаётган экан.
Ўзбекистонда артистлар сонини кўплигини ҳисобга олсак, барчамизни артистлар боқаётган бўлиб чиқаяпти экан.

— Алло, мен эълон бўйича қўнғироқ қиляпман. Ишга олишингиз учун нима талаб этилади?
— Олий маълумотдан ташқари, ўрта мактаб ўқувчисининг билими ва мактабгача бўлган боланинг тарбиясига эга бўлишингиз керак.

Бир бола йўлда кетаётган экан, беҳосдан қудуққа тушиб кетибди. У ерда 1 дан 5 гача бўлган сонлар ёзилган тугмачалар бор экан. 1 ни босса болани уст-боши ечилибди. 2 ни босса болани ювинтириб қўйишибди. 3 ни босган экан қуритиб қўйишибди. 4 ни ҳам босган экан, янги кийимлар кийдириб қўйишибди. Охири 5 ни босиб қудуқдан сакраб чиқиб қолибди.
Йўлда давом этиб кетаётган бола дўстини учратиб қолибди. Бўлган воқеани айтиб берса, дўсти сал шошқалоқ экан. Гапларни охиригача эшитмай қудуққа югуриб келиб сакрабди. 1-тугмани босса уни ҳам кийим-боши ечилибди. Кейин у дарров 5 ни босибди. Шунда тепага учиб чиқиб кетганини билмай қолибди.

Тирбанд автобусда бир эркакнинг баланд овози эшитилибди:
— Аквариумим бор. Ўтказиб юборсангиз-чи!
Буни эшитган болакай қизиқиб сўрабди:
— Амаки, аквариум қани?
Эркак ўзидан олдин кириб келаётган катта, дум думалоқ қорнини силаб:
— Мана аквариум. Ичида 1 литр пиво билан 2 та селёдка бор, - дермиш.

Кўчада иккита йигит бир-бири билан танишмоқда:
— Сен қаердансан?
— Эски шаҳардан.
— Кўпчилик эски шаҳардан... Аниқроқ-чи, қайсинисидансан?
— Самарқандданман.

Интернетдаги баҳсда бирор қизни енгиш учун, унинг хабарларини бошқа қизга юбориш керак. Кейин ўша иккинчи қизни жавобларини биринчи қизга юборасиз. Эслаб қолдизми? Синаб кўринг иш бераркан!

— Эгизаклар сизни қийнаб юборишса керак-а эгачи? Иккаласи бирданига шовқин солса...
— Йўқ. Бири шовқин солса, иккинчиси эшитмайди...

Такси билан Бухорога кетаётган отахон ҳайдовчига:
— Болам, Сирдарёдан чиқишимиз билан мени уйғотиб қўйгин, - дебди-ю, уйқуга кетибди. Ҳайдовчи Бухорога етай деб қолганда чолнинг гапи эсига тушиб, “Отахон ўша ерда ўйғотгин деганди” деб орқага қайтиб борибди.
Сирдарёга етиб келиб отахонни уйғотса, отахон машинадан тушиб, ҳарсангтошни ёнида расмга тушибди-ю, ҳайдовчига қараб:
— Бўлди! Энди Бухорога ҳайда, - деган экан.

Икки дўст суҳбатлашмоқда:
— 31 декабр куни кечқурун нима қилмоқчисан?
— Билмадим. Лекин 1 январь куни тонгда нима қилишимни аниқ биламан!
— Нима қиласан?
— Овқат ҳазм қиладиган, бош оғриғини қолдирадиган ва кўнгил айнашни кетказадиган дори харид қилиш учун дорихонага бораман.