Дода латифалар

Айрим одамлар жамоат транспортида юришдан аввал ҳаммомга киришни ўйлашмайди!

Қўлларни 20 сония эмас, 20 дақиқа ювиш керак.
Ҳурмат билан "Сувсоз" ОАЖ.

2 та талаба учрашиб қолибди:
— Кеча нега автобусни орқасидан югуриб кетаётгандинг?
— Автобусга пулни тежамоқчи бўлдим.

30 йил ичида ЖЭК фаолиятида катта ўзгаришлар бўлди.
Масалан, иссиқ сувни 1 ҳафтага ўчиришлари тўғрисидаги эълонни авваллари қўлда ёзишар эди. Ҳозир компьютерда ёзиб илиб қўйишмоқда.

Эр хотинига:
— Мана хотин, сени ҳамма орзуларинг ушалади!
Уй-жой, машина, янги кўйлаклар!
— Энди мазза қилиб яшар эканмиз-да, - дебди хотини.
Эри бўлса:
— Шунча янги нарсага эски эрни нима қиласан, - дермиш.

— Эшитдингми? Қўшнимизни хотини кетиб қолибди.
— Йўғ-е?! Қўшни яхшимикин? Нима аҳволда экан ҳозир?
— Бошида хурсандчиликдан ўзини йўқотиб қўйди. Ҳозир оз бўлса-ям хурсандчилиги тарқади шекилли сал ўзига келиб қолди.

Афанди машинасини ҳамма ойналарини жазирама иссиқда ҳам беркитиб юраркан.
Нимага дейсизми?
Одамлар афандини машинасида кондиционер бор экан деб ўйлашлари учун...!

Хонама-хона қўлида телефон билан югуриб юрган боладан онаси сўрабди:
— Ўғлим нима қиляпсан?
Бола:
— Ҳалал берманг ойижон! Жисмоний тарбия фанидан оралиқ назоратни онлайн топширяпман!

Бир одамни қулоғи шалпанг қулоқ экан.
Ҳамма уни масхара қилар экан.
Карантин тугаб, кўчага чиқса, маска тақавериб ҳаммани қулоғи шалпанг қулоқ бўлиб қолганини кўриб роса хурсанд бўлган экан.

Деҳқонга "Бир йилда 1 тонна метал етиштириб бероласизми?" дейишса, деҳқон "Уруғини берсаларинг етиштириб беравараман" деган экан.