Дода латифалар

Афанди ариқ тепасидаги қил кўприкдан ўтаётган эди, кавушининг бир пойи ариққа тушиб, оқиб кетди. Афанди олиш учун шунча ҳаракат қилди, бўлмади, ноилож:
— Ўзи ҳам паст мато, тор, оёғимни ғажиб келаётган эди, заб иш бўлди-да, оқиб кетди,— деди.
Афандининг бу гапларини эшитган ҳамроҳи ажабланди:
— Аттанг, бежиримгина, янги кавуш экан, а!
— Ёмон дедим, ёмон,— деди тутақиб Афанди,— яхши бўлса, жуфтини ташлаб кетармиди!

Ҳайвонот боғида ўғли дадасига:
— Дада, агар анави шер чиқиб сизни еб қўйса, қайси автобусда кетай?

Афанди қоронғи кечада ўртоқлари билан ошхўрлик қилиб ўтирган эди, бирдан шамол туриб, чироқни ўчириб қўйди.
Улфатлардан бири:
— То чироқ ёқилгунча ош ейиш йўқ! Ҳамма чапак чалиб ўтирсин, - деди.
Афанди тиззасини яланғочлади-да, уни, бир қўли билан шаппатилаб ўтириб, иккинчиси билан ош устидаги гўштни паққос туширди.

Ишдан қайтган эp хотинига бақирди:
— Яна овқат тайёр эмасми? Мен итдай очман! Бўлди, ресторанга кетдим!
— Хой, беш дақиқа сабр қилиб туринг!
— Нима, беш дақиқада овқатни тайёр қилишга улгурармидинг?
— Йўқ, кийинишга улгураман.

Мактабда болалар орасида тезлик ҳақида баҳс кетяпти:
Салима:
— Энг тез бу сўз, гапирдингми, бўлди уни қайтариб бўлмайди.
Олимжон:
— Энг тез бу свет, босдингми у ёнади
Тешавой:
— Мени кеча ичим ўтганди... бир сўз ҳам айтолмадим, светни ҳам ёқишга улгурмадим

Қизим бу йигит бечоранинг етимлиги камлик килгандай, яна чўлоқ экан. Унга тегмай қўяқол.
— Лекин кўзлари чиройли экан. Ахир уни ҳам бахтли бўлишга хаққи бор-ку!
— Шуни айтаман-да... ҳаёт унга шунчалик азоб бергани етмагандай, сен ҳам тегиб олсанг, қандай бўларкин?

Голливудда ўтказилган мукофотлаш маросимида ҳозиргача "Оскар" мукофотига олти марта даъвогарлик қилган Леонардо Ди Каприо ниҳоят "Оскарга энг кўп маротаба даъвогарлик қилган шахс" номинацияси бўйича тақдирланди.

— Дугонажон, одамларга ҳам ҳайронман-да. Кеча бир дўконга кириб купальник сотиб олмоқчи
бўлиб "примерочной"га кирсам, орқа томонидан бир тешик тешиб қўйишибди. Ўша тешикдан қарасам, бир барзанги йигит олма сотиб ўтирибди. Ўша барзангини тешикдан томоша қилиш кимга қизиқ экан, шунга ҳайронман-да?!

— Деразани ким синдирди?
— Эрим...
— Эринг оғир-босиқ одам эди-ку?
— Гулдонни отган эдим, энгашиб олдида номард!

Газетада эълон:
Ёлғизланиб қолган футбол жамоаси ўзининг орзусидаги олигарх билан танишишни истайди.