Дода латифалар

Latifa.uz сайтида энг кўп овоз олган латифалар рўйхати.
Афанди тўйга борган эди, ичкарига киришда кавушини қўлтиғига қистириб олди. Тўйбоши Афандини секин туртиб:
— Кавушингиз даҳлизда тура берар эди-ку, - деди.
— Йўқ, - деди Афанди, — кавушимнинг ёмон феъли бор: ким «юр» деса, ўрнига эски кавушни қўйиб кета беради.
#Афанди
93
Афанди Подшо билан овга чиқди. Подшо бир кийикни қувиб бориб отган эди, ўқи хато кетди. Ўзини жуда ҳам мерган деб, ҳар доим мақтаниб юрган Подшо Афандининг олдида хижолат бўлди-да, ўзини оқлай бошлади:
— Қара, Афанди, жуда муғомбир ов кўрган қув кийик экан, менинг ўқимга чап бериб кетди-я.
Афанди Подшога таскин бериб, айтди:
— Агар кийикнинг ўрнида юзта одам бўлса ҳам бехато урган бўлар эдингиз, кийик ҳам овми!
#Уддабуронлар #Афанди #Шоҳ-бой
174
Бир куни балиқ ўз севгилисига севгисини исботлаш учун ўзини дарёга ташлабди.
#Қисқа #Лоф-ёлғон
89
Бир йигит ҳеч уйланмасмиш. Онаси:
— Болам нега кўрсатган қизларимни бирортасини ҳам хоҳламаяпсан, деса,
Ўғил:
— Она уларнинг ҳаммаси ғирт, дебди.
— Вой у нима дегани, деса,
Ўғил:
— Нима дейишни билмай, ишёқмас, дангаса, уйқучи, деб тушунтирибди.
Она шунда:
— Вой 3 опанг ҳам ғирт эди, биб бинойи яшаб кетди, қолаверса манам роса учига чиққан ғирт бўлганман. Аданг сезмаган ҳам, дермиш.
#Аёллар #Ота-она #Ёшлар
124
Икки янги бой суҳбатлашмокда. Бири иккинчисига дебди:
— Эшитишимча, Италиядан вилла сотиб олаётганмишсан...
— Ҳа, фирмам типратиканлар экспорт қилиб бойиб кетди, шунинг ҳисобидан сотиб оляпман!
— Қанақа типратикан?
— Фирмамиз қишлоқ хўжалиги зараркунандаларига қарши курашиш учун Европага типратикан экспорт қилади. — Менга қара, оғайни, бунча типратиканни қаердан топаяпсан?
— Бу жуда оддий: каламушни оласан-да, терисини лаклаб, фен билан қуритасан!
#Шоҳ-бой #Лоф-ёлғон
111
Врач қабулига келган бемордан сўрабди:
— Ёшингиз нечида?
— 50 га кирдим.
— Фарзандлардан нечта?
— 3 та.
— Ҳаммасини тўйини кўрганмисиз?
— Ҳа, доктор! Лекин савол-жавобингиздан қўрқиб кетяпман. Касалим жиддийми?
#Аёллар #Шифокорлар #Ўзбекона #Беморлар
139

Бозорда тарвуз сотиб ўтирган одамни ёнига харидор келиб "Тарвуз ширинми? Мазасини кўрсак бўладими?" деса, сотувчи "Ҳа, албатта!" дебди.
Шунда ҳалиги харидор катта тарвузни қўлтиқлаб "Уйда кўрармиз мазасини" деб индамай олиб кетиб қолган экан.

#Дўкон-бозор #Ўзбекона
20
Эр-хотин фарзандлари билан ўтириб никоҳ тўйини видеосини кўраётишса, ўғли сўрабди:
— Ада, сиз қанисиз?
Адаси:
— Ман бу тўйда йўқман! - дебди.
#Эр-хотин #Аёллар #Ота-она #Эркаклар #Оила
10

Эр ўзининг севимли машинаси ва хотини тўғрисида доим бир хил фикр билдиради:
— Охирги пайт жуда кўп "касали"чиқватти.
— Биринчи қўл менман!
— Шошиб турганингда нуқул бир қилиқ чиқаради.
— Йили эскириб қолди, янгисига алмаштириб олишим керак.

#Эркаклар #Уддабуронлар #Ҳақиқат-адолат
14

Бир идорага телефон қўнғироғи бўлибди.⠀
— Алло, мен сизларга ишга жойлашмоқчиман. Менга 10 млн. ойлик тўласангиз!
— Нима? Тентакмисиз?
— Кечирасиз, бу мажбурийми?

#Ишхона #Калтафаҳмлар
26
Бош саҳифаДодалариҚидиришРукнларҚўшиш