Шифохонага оғир аҳволдаги уч футболчини олиб келишибди. Шифокор уларни олиб келган одамлардан қандай сабаб билан шу аҳволга тушиб қолишганини сўраш учун қўлига қалам билан қоғоз олиб, дастлаб биринчи футболчининг олдига яқинлашди. Қараса, биринчи бемор футболчи тиржайиб қотиб ётганмиш.
— Бу нимага тиржайиб қотиб қолган?
— Эҳ, сўраманг, кўрмаганни кўргани қурсин, бу футболчи 20 йилдан буён ҳужумда ўйнаган, умрида биринчи бор гол киритди. Шунга хурсандчиликдан шу шаклда қотиб қолди.
Шифокор иккинчи беморнинг олдига яқинлашди. Уям тиржайиб қотиб ётганмиш.
— Хўш, бу нимага тиржайиб ётибди?
— Бу ҳимоячи фаолияти давомида ҳар бир ўйинда қизил карточка олиб, майдондан ҳайдалган. Лекин бугун ҳакам унга ҳеч қандай карточка кўрсатмади. Шунга қувончдан.
Дўхтир тушунарли дегандай бош ирғаб, навбатдаги беморнинг олдига яқинлашди:
— Бу нимага қотиб қолган унда?
— Тоғли ҳудудда машғулот олиб бораётгандик, момақалдироқ бўлаётганди. Узоқроққа кетган тўпни олиб келишга кетганда уни яшин урди.
— Ия, унда нимага тиржайиб турибди?
— У суратга олишяпти, деб ўйлаган.

#Спорт
150

Boshqa latifalar

Янги йилни нишонлаб тонгга яқин бир аҳволда уйга кириб келган эрни хотини кутиб олибди.
— Юзимга қарашга энди қандай чидайсиз? – дебди хотини.
Эр бўлса унга:
— Ҳечқиси йўқ онаси, шунча йил чидаб келяпман, бу ёғи ҳам қарайвераман, - дермиш.
#Эр-хотин #Аёллар #Эркаклар #Ўзбекона #Байрамлар
0

Бир куни ӯрмондан шер келиб шаҳардаги дарахт устига чиқиб олибди.
Буни кӯрган бир одам керакли жойга мурожат қилибди. Тезда бир киши ити билан етиб келибди ва ҳалиги одамга дебди.
Мен дарахтга чиқиб шерни пастга тушираман ва ит бориб уни ғажиб ташлайди деб ҳалиги одам қӯлига милтиқ берибди. Шунда у одам ҳайрон қолиб сурабди. Кечирасиз агар ит шерни ғажиб ташласа милтиқни нима кераги бор деса
Ҳалиги одам: Агар мен тушиб кетсам ит отиб ташлайсиз.

#Ҳайвонот #Калтафаҳмлар #Лоф-ёлғон
0
Мусиқачи уйида барабан чалиб ўтирган экан, қўшнилари ажойиб мусиқа овози кўчага ҳам баландроқ эшитилсин деб уни деразасини тош билан синдириб кетишибди.
#Бошқалар #Қўшнилар
0
Кечки базмларнинг бирида бир эркак ноз-карашма қилаётган аёлга дебди:
Кечирасиз хоним, мен уйланганман!
Аёл бўлса унга жавобан:
—Вой худойим-ей, мен бўлса касал экансизми деб ўйлабман...
#Аёллар #Эркаклар #Ўйнаш-жазман
0
Қишлоқдаги болакай:
— Ойижон, челакдаги сутга сичқон тушиб кетти.
— Вой шўрим қурсин! Дарров олиб ташла!
— Йўқ. Мен челак ичига мушукни ташладим. Ҳозир сичқонни ушлайди.
#Ўзбекона #Оила
0
Кафеда официант мижозга буюртма қилинган товуқни қўлида ушлаб олиб келаётганини кўриб жаҳл билан:
— Нега овқатни қўлингиз билан ушлаб олгансиз!? - деса, официант:
— Икки мартта ерга тушиб кетди. Учинчи мартта ҳам тушириб юбормай дегандим... - дермиш.
#Овқатланиш #Ҳақиқат-адолат #Кафе-ресторан
0
Психиатр врачдан дўсти сўрабди:
— Нимага сен беморларингдан қандай машинаси борлигини сўраяпсан? Буни касалликка нима алоқаси бор?
— Эҳ дўстим, шунга қараб беморимдан қанча пул олишни мўлжаллайман-да!
#Қора-юмор #Шифокорлар #Ўзбекона #Беморлар
0
Ўлим жазосига ҳукм қилинган еврейдан сўрашибди:
— Сўнгги сўзингни айтишинг мумкин!
— Ўлимим олдидан сўнгги мартта қулупнай емоқчиман.
— Ахир қулупнай баҳорда пишади.
— Майли, мен кутиб тураман...
#Уддабуронлар #Жиноятчилар #Судда
0
Бошлиқни хонасини тозалаётган фаррош аёлни қулоғи эшитмас экан. Бир куни токчадаги гулдон ерга тушиб синибди. Фаррош аёл орқасига ўгирилиб синган гулдонга қараган экан, бошлиқни юраги ёмон бўлиб қолибди. Чунки ўша фаррош опа махфий йиғилишларда бемалол хонани тозалаб юраверган экан-да!
#Ишхона #Лоф-ёлғон
0
Ишга кайфиятсиз келган йигитдан дўсти сўрабди:
— Нега кайфиятинг йўқ?
— Хотиним билан уришиб қолдим.
— Нега уришдинг?
— Янги кўйлак сотиб олган экан. "Мени семиз кўрсатмаяптими?" деб сўради.
— Сен нима дединг?
— Тўғрисини айтдим.
#Эр-хотин #Аёллар #Эркаклар #Ўзбекона #Оила
0
Бош саҳифаДодалариҚидиришРукнларҚўшиш