Олтин балиқни тутиб олган чолга балиқ дебди:
— Тила тилагингни!
Чол дебди:
— Заводдан машинам тезроқ чиқақолса, навбатим келақолса дегандим...
Балиқ чолга қараб туриб:
— Отахон, бунчалик узоқ умр беролмиман сизга! - деган экан.
Агар битта ўқитувчи ҳамма фандан дарс бера олмаса, нега битта ўқувчи ҳамма фанларни билиши керак?
Бошлиқ:
— Сизга берилган топшириқни қанча муддатда бажарасиз?
Ишчи:
— Бир ҳафта муддат берсангиз, бир соат ичида бажараман!
Авваллари ойлик маошимни олгач, сайёҳатга чиқишимни ўйласам, нима учун ишлаётганимни тушунардим.
Ҳозир озиқ-овқатларни нарх-навосини кўриб, қорним очмаганини тушуняпман.
— Ойи, ёзда Чорвоқда дам оламизми?
— Чорвоқда сени репититоринг дам олади, ўғлим!
Толиби илм пиру комилининг ҳузурига келиб сўради:
— Устоз, мен абадий яшашни хоҳлайман, бунинг учун нима қилишим керак?
— Уйлан!
— Нега? Шунда абадий яшайманми?
— Йўқ. Аммо шу хоҳишинг йўқолади.
Шогирд устозидан сўради:
— Қайси ойда аёллар камроқ гапиради?
Устоз жавоб берди:
— Февраль ойида. Чунки бу ой 28 кундан иборат.
Мактаб ва институтларда оффлайн ўқишлар бошланди.
Ҳамма йигитларни бир савол қийнайди. 8 мартга қизларга совға берамизми? Ахир 14 январда улар беришмади-ку!?
"Биз яхшироқ яшашни бошладик!" деди амалдорлар.
"Аввал ҳам ёмон яшамагансизлар!" деди халқ.
Ўзинг депутат бўлмагунча, депутатлар ҳеч қандай иш қилмайди деб ўйлайверасан.
Депутат бўлгач эса, нима иш қилаётганингни билмайсан.