Latifa.uz saytida eng ko'p ovoz olgan latifalar ro'yxati.
Bir yigit daryo bo‘yiga cho‘milishga kelibdi. Qarasa, yon-atrofda hech kim yo‘q. Yalong‘och bo‘lib cho‘milmoqchi bo‘libdi-da, kiyimlarini qirg‘oqqa yechib, suvga sho‘ng‘ibdi. Qaytib chiqib qarasa, qirg‘oqda kiyimlarini oldida bir qiz o‘tirganmish. Yigit nima qilishini bilmay, suv ichida suzib yuraveribdi-yuraveribdi. Muzlab qolay degan yigit oxiri daryo tubidan eski bir tog‘orani topib chiqibdi. Tog‘ora bilan o‘zini biroz berkitib, pana qilibdi-yu, qizning yoniga boribdi:
— Yaxshi qiz nima o‘qiyapsiz?
— Kitob!
— Qanday kitob ekan?
— Mantiq!
— Mantiq nima o‘zi?
— Mantiqiy fikrlash to‘g‘risidagi fan mantiq deyiladi. Odamni nima haqida o‘ylayotganini osongina topish mumkin.
— Unaqada ayting-chi, hozir men nimani uylayapman.
— Siz qo‘lingizdagi manavi tog‘orani tagi butun deb o‘ylayapsiz, yaxshi yigit!
— Onajonisi tug‘ilgan kuninga nima sovg‘a qilay?
— Voy dadajonisi, o‘zingiz bilasizku nozikkina barmoqlarimga, uzun kelishgan bo‘ynimga va chiroyli bejirim quloklarimga mos biror narsa olaqoling.
— Bo‘ldi, tushundim, - debdi er.
Kechqurun ishdan qaytishida xotiniga sovg‘a qilib "Fabienne" sovunini ko‘tarib kelibdi...
Bir mast odam eski chiroq topib olibdi. Ishqalasa, ichidan jin chiqib:
— Tila tilagingni! Uchta tilagingni bajaraman, - debdi.
Mast odam unga:
—Kel yuzta-yuzta olaylik!
— O‘ylab ko‘r. Bu birinchi tilaging hisobidan ketadi.
— Mayli. Qani oldik.
— Endi ikkinchi tilagingni ayt!
— Yana yuz-yuz quy!
— Hoy inson, yaxshiroq narsa so‘rasang-chi?
— Ey, quy degandan keyin, quyda! Qani oldik.
— Balki uchinchi tilagingga biror nima so‘rarsan!
— Yana yuzta-yuzta olaylik!
— Sen aqldan ozibsan! Bu oxirgi tilaging.
— Mayli, roziman, - deb ichib yuborishibdi.
Jin chiroqqa qaytib kirib ketibdi-yu, besh daqiqadan keyin qaytib chiqib kelib:
— Mayli, to‘rtinchi tilagingni ham tila! Men roziman!, - dermish.
Maktabda ona-tili darsida o‘qituvchi:
— Xo‘sh Bozorov, siz turingchi. Sizga savol: "Men sizga yangi kostyum-shim sovg‘a qildim" bu qanday gap?
— Domlajon, shuyam qiyinmi? Bu bo‘lmagan gap, - dermish.
— Agar senga katta pul evaziga ko‘chaga chiqib “Men badbasharaman” deb baqirib yurgin deyishsa rozi bo‘larmiding?
— Albatta! Badbashara bo‘lsam ham ahmoq emasman-ku!
Bir otaxon chegaradan doim mototsiklda bir qop olib o‘tarkan. Chegarachilar boshlig‘i doim shubhalanib uni tekshirar ekan. Aksiga olib qopda oddiy qumdan boshqa hech nima yo‘q bo‘larkan. Hatto qumni elakdan ham o‘tkazib ko‘rishibdi. Lekin hech nima chiqmapti. Oradan vaqt o‘tib bojxona boshlig‘i nafaqaga chiqibdi. Haligi otaxonni topib borib:
— Bo‘ldi, men nafaqaga chiqdim. Sizni fosh qila olmadim. O‘zingiz ayting endi qopda nima olib o‘tgansiz? - desa, otaxon javob beribdi:
— Qopda oddiy qum bor edi xolos. Men mototsikl o‘g‘rilab o‘tardim.
Bo‘lg‘usi rafiqasi bilan uchrashuvga otlangan yigitga xolasi aql o‘rgatyapti:
— Sen qizga albatta 3 ta savol berishing kerak. Birinchi savol ro‘zg‘orga oid bo‘lishi shart. Ikkinchisi oila, uchinchisi esa falsafiy bo‘lsin, tushundimi jiyan, bo‘sh kelma!
Kuyov uchrashuvga borganida xolasini aytganlariga amal qilib so‘radi:
— Kechirasiz, siz makaronni yaxshi ko‘rasizmi?
— Yo‘q.
— Ukangiz-chi, u makaronni yaxshi ko‘radimi?
— Meni ukam yo‘q.
— Nima deb o‘ylesiz, agarda ukangiz bo‘lganida makaronni yaxshi ko‘rgan bo‘larmidi?!
Maktabga yangi o‘qituvchi kelibdi. O‘quvchilar uning atrofini o‘rab olib, o‘z maktablari, sinflari haqida beto‘xtov gapira ketishibdi. Sinfdoshlar orqa partada o‘tirgan o‘quvchini ko‘rsatib, o‘qituvchiga tanishtirishibdi:
— Manavi Boltavoy-tentak bo‘ladi.
Mana unga 500 so‘mlik va 1000 so‘mlik pulni bersangiz u doim rangi qizil bo‘lgani uchun 500 so‘mlikni oladi.
Bolalar Boltavoyni chaqirib, o‘qituvchiga namoyish qilish uchun 500 so‘mlik va 1000 so‘mlik pul uzatishibdi. Boltavoy haqiqatdan ham 500 so‘mlikni tanlabdi. Darslar tugagach, o‘qituvchi Boltavoyni kabinetiga chaqiribdi va debdi
— Boltavoy, qarasam — matematikani unchalik yaxshi bilmaydiganga o‘xshaysan. 1000 so‘m 500 so‘mdan ikki barobar ko‘pligini nahotki bilmasang?!
— Albatta bilaman!
— Unda nega 500 so‘mlikni tanlaysan?
— Muallim, agar men 1000 so‘mlikni tanlasam, keyingi safar bolalar menga pul bermay qo‘yishadi-da!
Uchta g‘irt mast bir taksini to‘xtatib chiqishibdi. Taksichi hazillashib mashinani o‘t oldirib joyidan jildirmay besh daqiqacha turib, keyin mashinani uchirib:
— "Yetib keldik tushinglar" — desa. Birinchi mast rahmat aytib tushib ketibdi. Ikkinchi mast yo‘lkirani to‘lab tushibdi. Uchinchisi taksichini boshiga bir shapatdan beribdi. Taksichi ichida bunisi sezib qoldi deb o‘ylab tursa...
Uchinchi mast
— "Sen odamlarning hayotiga javobgarsan! Ikkinchi bunaqa tez haydamagin" — dermish.