Latifa.uz saytida eng ko'p ovoz olgan latifalar ro'yxati.
— Qizingni turmushga beribsan, kuyoving qalay ekan?
— Juda yaxshi chiqdi kuyovim, ko‘z tegmasin. Qizimga tilla taqinchoqlar, ko‘ylaklar olib beryapti!
— O‘g‘lingni ham uylantiribsan deb eshitdim, kelining-chi, u ham yaxshimi?
— Qurib ketsin! Kelin emas, baloni o‘zginasi! Bir qarasang tilla olib bering deb xarhasha qiladi, bir qarasang kiyim so‘raydi...!
To‘y kuni kelin kuyovbolaga debdi: — Bizni uchta farzandimiz bo‘ladi! — Nega bunchalik aniq gapiryapsiz? - so‘rabdi kuyov. — Aniq bilaman. Chunki ular hozir onamnikida yashab turibdi. To‘ydan keyin olib kelaman.
— O‘g‘lim, sovutkichda 2 ta shokolad turgan edi. Hozir qarasam, 1 ta qolibdi. Buni tushuntirib bera olasanmi? — Tushuntirib beraman albatta. Qorong‘uda ikkinchisini ko‘rmay qolibman oyijon.
Imtihonga kirgan talaba bitta biletni olib, joyiga qo‘yib-qo‘yibdi. Ikkinchisini olib yana joyiga qo‘yibdi. Uchinchisini, to‘rtinchisini, ... va hakozo olib-qo‘yaversa, o‘qituvchi uni to‘xtatib reyting daftarchasiga "4" baho qo‘yib beribdi. Boshqa talabalar hayron... "Nima uchun??? Axir u hech nimaga javob bermadi-ku?!" deyishibdi. Shunda o‘qituvchi "Aynan bitta biletni qidiryaptimi, demak nimagadir qattiq tayinlanib kelgan-da!" degan ekan.
Koronavirusni aniqlab beruvchi bepul analiz. Peshobni idishga olasiz va uni ochiq deraza yoniga qo‘yib qo‘yasiz. Agar peshobga chumolilar yetib kelsa - qand miqdori oshgan. Agar pashshalar uchib kelsa - shamollash boshlangan. Agar arilar uchib kelsa - xolesterin oshgan. Agar unga hech nima yaqinlashmasa - demak koronavirus!
Erini uydan haydab yuborgan xotini orqasidan baqirayotganmish: — Bir umr qiynalib o‘tgin! Kosang oqarmasin! Shu payt eri xotiniga qarab: — Demak, yana sen bilan yasharkanman-da! Uyga qaytib kiraveraymi?
1. Har bir inson umrida bir martta kuyadi. Yo quyoshdan yo sevgidan. 2. O‘ziga bino qo‘ygan odamlar shuni bilsin-ki, biz ham ularga qo‘yganmiz. 3. Meni mutlaqo yaxshi bilmaydigan insonlarni men haqimdagi fikri meni ham mutlaqo qiziqtirmaydi! 4. Hadeb ortimdan gapiravermang! Shundoq ham o‘zim haqimda fikrim juda baland! 5. Har kim indamas bo‘lish huquqiga ega. 6. Uxlang! Sizni buyuk ishlar kutmoqda. 7. Atrofingdagi dushmanlaringni xursand qilish uchun har-har zamonda o‘zingni siqilgan qilib ko‘rsat! 8. Sog‘lom odam bu - yaxshi tekshirilmagan odam!
Psixoterapevt bemoriga: — Bir-ikki kunda sizga javob beramiz. Siz to‘liq sog‘aydingiz. Asosiysi, insonlarga "Yo‘q" degan javobni berishni o‘rgandingiz. — Rahmat doktor. — Kasalxona uchun pulni plastikda to‘laysizmi? — Yo‘q! — Naqd to‘laysizmi? — Yo‘q! — Tushunmadim. O‘zi pulni to‘lash niyatingiz bormi? — Yo‘q!