Doda latifalar

2 yoshli qizaloqni onasi eshitishni tekshirish uchun quloq doktoriga olib boribdi.
Doktor shivirlab:
— Shokolad... - desa.
Qizaloq ham shivirlab:
— Qani, - dermish.

Falsafa fanidan imtixon bo‘lyapti...
Talaba: Domla keling yaxshisi men sizga bir savol beraman, topsangiz zachyotkamga bahoimni qo‘ymaysiz, topolmasangiz 5 baho qo‘yib berasiz.
O‘qituvchi: Ho‘p, eshitaylikchi...
Talaba: Nima qonuniy-yu, mantiqiy emas, nima mantiqiy-yu, qonuniy emas, nima qonuniy ham emas, mantiqiy ham emas?
O‘qituvchi savolga javob berolmay bahosini qo‘yib berdi.
O‘qituvchi: Qani endi javobni o‘zingizdan eshitaylikchi...
Talaba: Siz xotiningiz bilan ZAGSdan o‘tgansiz — bu qonuniy, lekin siz 70 yoshdasiz, xotiningiz 20 yoshda — bu mantiqqa to‘g‘ri kelmaydi. Sizning xotiningizni jazmani bor — bu mantiqiy, lekin qonunga xilof ish qilyapti — bu qonuniy emas. Siz hozirgina o‘sha xotiningiz jazmaniga baho qo‘yib berdingiz — bu qonuniy ham emas, mantiqiy ham emas.

Qo‘lida rangli qalam ushlagan bolachalik hech kim xonalarni bezata olmaydi.

Rahbarlarimizga "oylik maoshlarni oshirib bering!" degan edik. Ular "adashib" o‘zlarini oyliklarini oshirib yuborishibdi.

— Botir aka, hech uyingizga biror martta o‘g‘ri tushib, hamma narsangizni o‘g‘irlab ketganmi?
— Ukam, bo‘ldi qilsang-chi! Pulim bo‘lishi bilan sendan olgan qarzlarimni qaytaraman!

Bir kun ishdan qola ko‘rmang!
Aks holda hamkasblaringiz siz bo‘lmasangiz ham ish ketaverishini payqab qolishadi.

— Tovlamachi, firibgar odamni ajrata olasanmi?
— Bilmayman, qanday qilib?
— 100 ming bersang aytaman.
— 100 ming?! Bermayman!
— Ajrata olar ekansan-ku!

Hozir uzoq qishloqlar yashaydigan ayollarda ham kir mashina bor. Lekin kirni qo‘lda yuvishadi.
Nimaga deysizmi? Chunki elektr yo‘q!

Bir ayol eriga:
—Adasi, kecha tushimga kiribsiz. Tushimda menga chiroyli ko‘ylaklar olib bergan emishsiz, - debdi.
Eri bo‘lsa kulib:
— Yaxshi bo‘lsang, bugun tushingda taqinchoqlar olib beraman, - dermish.

Telefon bilan yuradi. Telefon bilan uxlaydi. Hamma joyga telefon bilan kiradi. Yana qo‘ng‘iroq qilishsa, “Eshitmay qolibman” deyishadi.