Doda latifalar

Qadim zamonda podshohning yoniga ayonlaridan biri yugurib kelib:
— Shohim, huzuringizga dunyoda eng mashhur folbin kirmoqchi, - debdi.
Shoh kiritishni buyuribdi. Folbin saroyga kirib aytibdi:
— Ey shohim, buyuk lashkarboshi! Men sizning bo‘lajak janglaringiz va umuman kelajak hayotingiz xaqida fol ochib beraman.
Podshoh jallodni chaqirib:
— Bu folbinning boshini tanidan judo qilinglar! - deb buyuribdi.
Jallod buyruqni bajargach, savol berishibdi:
— Shohim, nega folbinni o‘limga hukm qildingiz?
Podshoh:
— Bu ablah folbin o‘zining kelajagini bilmaydi-ku, mening kelajagimni qayerdan bilsin! - degan ekan.

Yigit:
— Yaxshi qiz, 100 ming pulingiz tushib qoldi…
Qiz:
— Bu 100 ming men bilan tanishishga bahona bo‘la olmaydi!
Yigit:
— Unda ko‘proq pul tushiring!

Kambag‘alchilik qurib ketsin, qachongacha tomi yo‘q mashina-yu, tugmachasiz telefon ishlataman?!

Afandi 70 yoshda ekan. O‘g‘liga maqtana ketibdi:
— Men 30 yoshimda qanday kuchga ega bo‘lsam, hozir ham huddi shunday kuchim bor.
— O‘g‘li hayroon bo‘lib:
— Qanaqasiga ota? – debdi.
— Mana masalan, 30 yoshimda hovlidagi anavi to‘nkani ko‘tara olmas edim. Hozir ham ko‘tara olmayman...

Dorboz dordan o‘tayotib, aksirib yuboribdi. Pastdagilar “Sog‘ bo‘ling!” deyishibdi.
Lekin kech bo‘lgan edi...

Xotirasi past yigit sevgan qizidan SMS kutaveribdi-kutaveribdi...
Oxiri sevgilisi yo‘qligi esiga tushib qolibdi.

Faqatgina ko‘ngli ochiq o‘zbek ayollari chang yutgich bilan gilamni tozalayotganlarida gilamdan ip bo‘lagini topib olsalar,
ipni qo‘llari bilan olib, uni yana qaytib gilamga tashlaydilar! Chunki ular chang yutgichga yana bir bor imkon berishni xohlashadi...

Qo‘shnisini eshigini taqqillatgan kishi hovliga kirib:
— Kiraveraymi? Itingiz tishlamaydimi? - deb so‘rabdi.
— Bilmadim. O‘zim ham qiziqib ketyapman. Kecha olib kelganman o‘zi... - dermish uy egasi.

Bir bola yo‘lda ketayotib “Oh, endi sani o‘zganing lablari erkalaydi”, deb ketayotsa, bir katta kishi:
— Nima yaxshi ko‘rgan qizing tashlab ketdimi? - desa,
— Chupa chupisimni yo‘qotib qo‘ydim, - dermish.

Qorbobo o‘rmonda ketayotsa, oldidan qaroqchilar chiqib qolibdi.
— Senlarga nima sovg‘a qilay? - debdi qorbobo jilmayib.
— Bizga qorqizni bering! Qorqiz, qorqiz, - deb qaroqchilar qorqizni olib qolishibdi.
Qorbobo jahli chiqib, o‘ziga-o‘zi dermish:
— Uchta qorqizimdan ayrildim. Endi yalmog‘iz kampirni olvolaman...