Latifa.uz saytida eng ko'p ovoz olgan latifalar ro'yxati.
Qorbobo o‘rmonda ketayotsa, oldidan qaroqchilar chiqib qolibdi.
— Senlarga nima sovg‘a qilay? - debdi qorbobo jilmayib.
— Bizga qorqizni bering! Qorqiz, qorqiz, - deb qaroqchilar qorqizni olib qolishibdi.
Qorbobo jahli chiqib, o‘ziga-o‘zi dermish:
— Uchta qorqizimdan ayrildim. Endi yalmog‘iz kampirni olvolaman...
— O‘rtoq praporshik, samolyotdan sakragan vaqtim menga bergan mana bu parashyutingiz ochilmay qolsa-chi?
— Qaytarib olib kelasan, boshqasiga almashtirib beraman.
Bugun avtobusda uyga qaytayotsam, negadir hamma yo‘lovchilar tovush chiqarmasdan jimgina ketishmoqda.
Tushayotganda ham jim... Yo‘lovchilar nega bunday ovoz chiqarmay, shovqin qilmay ketayotishganiga hayron bo‘lib, chiptachiga qarasam, chiptachi uxlab qolgan ekan...
Yigit do‘sti bilan gaplasha turib debdi:
— Nega futbolga qiziqmasang ham, nuqul futbol ko‘rishga boraverasan?
Do‘sti bo‘lsa:
— Ishga borsam boshlig‘im baqiradi. Uyga borsam xotinim... Futbolga borsam men baqiraman.
Bir talaba institut hovlisida ketayotsa, ro‘parasidan soqoli o‘sgan professor kelayotgan ekan.
— Kechirasiz ustoz, siz uxlaganingizda soqolingizni ko‘rpaning tagiga ko‘yasizmi yoki ustida turadimi? - debdi talaba professorni to‘xtatib.
— Bilmayman. Ahamiyat bermagan ekanman, - deb javob beribdi professor.
Oradan bir hafta o‘tgach, talaba institut hovlisida professorni uchratib qolsa, professor jahl bilan unga dyebdi:
— Yaramas, bir haftadan beri uxlay olmayapman! Soqolimni qayerga qo‘ysam ham noqulay bo‘lyapti!!!
Bir erkak 10 qavatdan pastga yiqilib tushibdi. Havoda pastga tushayotgan erkak o‘ziga-o‘zi debdi:
— Agar tirik qolsam, ichishni, chekishni tashlayman, xotinimga vafodor bo‘laman!
Omadi kelib qolib, shaloplab hovuzga tushibdi. Suvdan boshini chiqarib:
— Pastga tushgunimcha 5 soniya o‘tdi-yu, boshimga ming xil bema’ni fikrlar keldi-ya, - dermish.
Bog‘chadan qaytgan qizaloq kollejda o‘qiydigan opasiga shoshib:
— Opa-opa, sizga she’r aytib beraymi? - deb so‘rasa, opasi jilmayib:
— Mayli, aytib beraqol! - debdi. Qizaloq yana:
— Faqat siz qarsak chalib turing, xo‘pmi? - debdi. Opasi ham:
— Xo‘p, aytaqol! - deb qarsak chalishni boshlasa, qizaloq:
— Hamma qizlar o‘qishda,
Kitob o‘qib yuribdi!
Bitta ahmoq bu yerda,
Qarsak chalib turibdi! - dermish.
Militsiyaga ishga kirmoqchi bo‘lgan bola, hamma komissiyadan o‘tib, oxiri boshliqni suhbatiga kiribdi.
Boshliq:
— Xo‘sh, mana komissiyadan yaxshi o‘tibsan. Qani ayt-chi, Kumushga kim zahar berib o‘ldirgan?
— Bilmayman o‘rtoq boshliq.
— Nyutonni boshiga tepadan nima tushgan?
— Uni ham bilmayman...
— Senga bir hafta muhlat. Aniqlab kelasan, - debdi.
Yigit uyiga kelsa, adasi so‘rabdi:
— Ha o‘g‘lim, ishga olishdimi? - desa, o‘g‘li:
— Ha ada olishdi. Birinchi ish kunimni o‘zidayoq ikkita jinoiy ish ham berishdi, - dermish.
Bobosi nabirasiga ikkinchi jahon urushi yillaridagi sarguzashtini aytib beribdi:
— Bir kuni nemislar bilan jangda mag‘lubiyatga uchradik va yashirindik.
Nemislar mard bo‘lsanglar chiqinglar deyishgandi, hech kim chiqmadi. Shunda men shartta chikdim.
Nabirasi:
— Keyin nima bo‘ldi? - debdi.
— Meni nemislar otib tashlashdi, - dermish bobosi.