Latifa.uz saytida eng ko'p ovoz olgan latifalar ro'yxati.
Qariya yosh yigitga debdi: — Aqling bo‘lsa, chiroyli qizga uylanma! — Nimaga? – so‘rabdi yigit. — Chiroylisi tashlab ketadi. — Xunuk qizlar ham tashlab ketsa-chi? — E xunugi daf bo‘lib ketmaydimi!?
— Sevgilim, tarelkadagi tort bo‘lagini yeb ko‘r!
— Rahmat qornim to‘q, yemayman.
— Asalim, qara juda shirin tort! Hech bo‘lmasa bir tishlamgina yegin.
— Rahmat, qornim to‘q.
— Ozgina tatib ko‘r.
— Bas qiling! Man soat oltidan keyin hech nima yemayman!
— Tortni tanovul qil ahmoq. Uni ichida uzuk bor! Sanga uylanmoqchiman-ku tushunmayapsanmi. Romantikani ham beliga tepding!
Xotinining janjallaridan to‘yib ketgan er ortiq bundan yashab bo‘lmasligini tushunib yetibdi. “Bir nima qilishim kerak!” deb o‘ylabdi-da, shartta derazani ochib tokchaga chiqibdi. 6-qavatdan pastga qarab tursa, xotini chiqib qolibdi:
— Nima qilyapsiz, adasi? – debdi xotini.
— Xayr xotin! Ortiq sen bilan yashay olmayman! Jonga tegdi! Hozir o‘zimni shu yerdan tashlayman! – debdi eri.
Xotini yugurib oshxonaga kirib ketibdi. Zum o‘tmay, qo‘lida axlat chelak bilan chiqib debdi:
— Adasi shuni ham olib keting. Baribir pastga ketyapsiz-ku...!
Talaba yigit do‘stidan so‘rabdi:
— Sen shaharni mendan yaxshiroq bilasan. Temuriylar muzeyi qayerda?
Do‘sti ko‘p o‘ylanib o‘tirmay:
— Albatta bilaman. 1000 so‘mlik pulni orqa tarafida turibdi-ku, - dermish.
Ikkita piyonista ichib olib, ketayotsa oldidan ko‘zgu chiqib qolibdi. Ko‘zguda o‘zini aksini ko‘rib biri ikkinchisiga, “Do‘stim shu ketishda ichaversak, 10 yildan keyin ko‘rinishimiz shu ahvolda kelib qoladi-yov”, - dermish.
Do‘stimga sms: "Salom do‘stim! Yordaming kerak. Chiqimlarim ko‘payib ketdi. 300 dollar kvartiraga, 300 dollar mashinani kreditiga, 200 dollar arenda pullari, 100 dollar kommunal to‘lovlarga, 50 dollar bog‘cha puli va maktab chiqimlariga yana 150 dollar choyxona va "gap" pullarini berishim kerak". Do‘stimdan javob: "Hisoblab beraman. Jami 1100 dollar bo‘ladi. Minnatdorchilik shart emas!"