Qizaloq va otasi: — Adajon, men katta bo‘lsam sizdek go‘zal bo‘laman. — Qizim, oyingdek go‘zal bo‘lishing kerak. — Yo‘q. Oyimdek bo‘lishim uchun ancha harakat qilishim kerak ekan. Avval krem, keyin upa, keyin qalam, tush, lab bo‘yog‘i, ... Sizda hammasi oddiy. Uyqudan turib yuzingizni yuvasiz, tamom!
Bir kishi xotinidan "to‘yib" ketganidan do‘konga o‘g‘irlikka tushibdi. Qamoqda o‘tirsam, xotinimdan nariroq bo‘laman deb o‘ylabdi. Lekin sud unga 3 yil uy qamog‘i hukmini o‘qibdi.
Mening o‘g‘lim rus tili, ingliz tili va boshqa tilda bemalol gaplashib o‘tiradi. Umuman maktabda boshqa fanlarda ham gaplashib o‘tiraveradi. Hecham tartibga chaqirib bo‘lmayapti...
Bugun ertalab xotinim: — Dadasi, bugun oyim mehmonga kelar ekanlar, - dedi. Men o‘zimni iloji boricha xotirjam tutib: — Onajonimiz necha yoshda edilar? - desam, xotinim: — 58 yoshdalar, - dedi. Men yanada bosiqlik bilan: — Eshitmayapsanmi xabarlarni? Koronavirus 50 yoshdan oshganlarda ko‘p uchraydi. Mehmondorchiliklar ham vaqtincha to‘xtatilib turilishini-chi, eshitdingmi o‘zi!? Onangga ayt, men ular haqida qayg‘uryapman, - dedim-da ancha yengil tortdim. Bu so‘zni 16 yildan buyon shunaqayam aytgim kelardiki...