Doda latifalar

Er xotini bilan hazillashmoqchi bo‘lib debdi:
— Azizam, senga bir sirni ochishim kerak!
— Nima sir ekan?
— Meni kechira olasanmi?
— Ichimni qizdirmasdan, ayting tezroq!
— Bizni qizimiz seni farzanding emas...

Bir yigit qo‘shnisidan:
— Tug‘ilgan kuning qachon?, - deb so‘rabdi.
— May oyida. Nega so‘rayapsan?
— Senga parda sovg‘a qilmoqchiman. Derazangga osib qo‘yasan. Xotining uyda nuqul ochiq-sochiq kiyinib yuradi.
— Men esa seni tug‘ilgan kuningga binokl sovg‘a qilaman. Ko‘rgan ayoling, kim ekanini kuzatishing uchun...

O‘qituvchi o‘quvchilarni sinf partasiga joylashtiryapti:
— Seni dadang qayerda ishlaydi?
— Mani dadam bozor rahbari.
O‘qituvchisi birinchi bolani eng oldi qatordagi partaga o‘tkazibdi.
— Qani, seni dadang qayerda ishlaydi?
— Meni dadamni ikkita mebel do‘konlari bor, - deb javob beribdi ikkinchi o‘quvchi.
— Bozor rahbari o‘g‘lini yoniga o‘tir!, - debdi o‘qituvchisi.
— Qani, seni dadang kim?
— Meni dadam prokuraturada.
— Qani birinchi partada o‘tirganlar turlaring-chi! Ikkinchi partaga o‘tir ikkaloving! - deb uchinchi bolani eng oldi partaga o‘tqazgan o‘qituvchi yana so‘rabdi:
— Xo‘sh, dadang prokraturada nima ish qiladi?
— Bilmiman. Dadamni kecha ikkita odam olib ketishgandi-da o‘sha prokuratura degan joyga...dermish bola.

Bir kishining xotini vaznini o‘lchamoqchi bo‘lib tarozi ustiga chiqibdi-da, semiz qornini ichiga torta boshlabdi. Buni ko‘rgan er:
— Ovora bo‘lma xotin, baribir vazning kamayib qolmaydi, - deb kulibdi.
Xotini esa eriga qarab:
— Hech bo‘lmasa tarozi nechini ko‘rsatayotganiga qarab olay!, - debdi.

2060-yilda shogird ustozidan so‘radi:
— Ustoz 50yil oldin qizlar nima kiyishgan?
Ustoz javob qildi:
— 50yil oldin qizlar kalta bo‘lsa ham yubka kiyishgan.

Futbol sharhlovchisi:
— Bizning jamoamiz urgan ajoyib, chiroyli bir golimizga raqiblarimiz arzimagan uchta gol bilan javob qaytarishdi.

Oldingi qizlar o‘qishga: "Oy borib, omon qaytishardi".
Hozirgilari: "Oybek bilan borib, Omon bilan qaytishmoqda".

Bir qiz folbin oldiga kelib:
— Xola, meni 2ta yigit sevadi, qaysi birini omadi chopadi, - desa
Folbin:
— Azizning omadi chopadi, Ahmad esa uylanadi, - dermish

Uzoq yo‘lga qatnaydigan avtobusda yigit bilan qiz yonma-yon o‘tribdi. Yo‘l bo‘yi yigit oynadan tashqariga qarab xayol surib ketaveribdi. Uning indamasligidan siqilib ketgan qiz telefoniga o‘zining raqamini terib yigitni turtibdi.
Yigit qarasa qiz narigi tomonga qarab turgan ekan. Qo‘lidagi telefonda esa raqamlar yozilganmish. Buni ko‘rgan yigit telefonidan hisobni tekshirish raqamini teribdi. So‘ng telefonini qizga qaratib o‘zi yuzini nari buribdi. Qiz uning telefonida: –(minus) 2.66$ degan yozuvni o‘qib:
— Ey, xudo nima bo‘lsa ham tekin gudok tashlab o‘ynamasinda, – dermish.

Sigirga savol berishdi:
— Sen aqllimisan yoki eshakmi?
— Albatta men aqllimanda! Eshak eng ahmoq hayvonku!
— Nega sabab?
— Chunki men mashina yo‘lidan o‘tayotganda, ikki tomonga yaxshilab qarab keyin o‘taman. Eshak esa molga o‘xshab qaramasdan o‘tib ketaveradi.