Latifa.uz saytida eng ko'p ovoz olgan latifalar ro'yxati.
Afandi poyezdda rus odam bilan ketayotgan ekan. Bir payt rus kishi afandiga topishmoq aytishni taklif qilibdi. Topolmasa, 25 ming berishini aytibdi. Afandi rozi bo‘lib, gap boshlabdi.
— Pod stalom boltayetsa, na bukvu "B" nachinayetsya, - debdi.
Rus rosa urinib topolmay, 25 mingni berib, — Javobi nima? - desa, afandi:
— Botinka, - debdi va ikkinchi topishmoqni boshlabdi:
— Pod stalom boltayetsa, na bukvu Ye nachinayetsya, - debdi.
Rus uzoq o‘ylanib, yana 25 mingni berib, javobini so‘rasa, afandi:
— Yeщyo odna botinka, - dermish..
Bozorda bir kishi sotuvchiga:
— 7-sinfda o‘qiydigan bolaga oyoq kiyimi bormi? - debdi.
— Aniqroq ayting, topiladi, - deb so‘rabdi sotuvchi.
— Aniqrog‘ini aytsam, 7 "V" sinfida o‘qiydigan bolaga.
Bir cho‘pon qo‘y bilan shaxmat o‘ynab o‘tirgan ekan.
Buni ko‘rgan odamlar:
— Juda aqilli qo‘y ekan-mi?! – deyishsa, cho‘pon:
— Nimasi aqilli!? 2:1 ga yutqizyapti, - degan ekan.
Beshta og‘ayni choyxonada o‘tirsa, telefon jiringlabdi:
— Allo, adasi, kecha men sizga aytgan tilla zanjirni bugun qo‘shnimiz sotib chiqdi. Olaveraymi?
— Ha, olaver!
— Keyin, internet orqali yangi telefonga ham buyurtma berib yubormoqchiman, maylimi?
— Mayli!
— Kelasi hafta 8 mart bayrami ekan. Shunga yangi ko‘ylak ham tiktirmoqchiman. Uydagi puldan olib, tikuvchiga borib kelsammikin degandim?!
— Xo‘p mayli, boraver!
Telefon suhbati tugagach, yigit telefonni joyiga qo‘yib debdi:
— Og‘aynilar, manavi telefon o‘zi kimniki edi???
Yangi yil kuni yosh qiz xomush o‘tirib:
— Qorbobodan sovg‘aga "Ertaklardagidek, shahzoda meni qidirib kelsin!" deb so‘ragan edim. Piyonista qo‘shnim Timur aka eshigimni taqillatib kelishini nazarda tutmagandim...
Er xotiniga qo‘ng‘iroq qilib:
— Xotin, qayerlarda bo‘lishni orzu qilar eding? Dengiz bo‘yidami yoki bahavo o‘rmonzorlardami? – deb so‘rabdi.
Quvonchi ichiga sig‘magan xotini:
— Albatta dengiz bo‘yida, dadasi! Sayohatga yo‘llanma olyapsizmi? – desa,
— Yo‘g‘-e, xojatxona uchun osvejitel tanlayapman, – dermish.
Bir erkak ishdan so‘ng jazmani bilan tushlik qilib, kinoga borib uyga qaytibdi. Uyda xotini sho‘rva pishirgan ekan. Ovqatdan biroz ichgan bo‘libdi-da, kirib yotibdi. Endi uxlamoqchi bo‘layotgan ekan, telefonga Sms kelib qolibdi. Telefonni olib xojatxonaga yuguribdi. Smsni ochib qarasa, "Jonim bugungi tushlik va sayr uchun rahmat! Unutilmas kun bo‘ldi..." degan Sms kelgan ekan. Xotini ko‘rib qolishidan qo‘rqib, Sms ni o‘chirib, sekin kirib yotsa, xotini:
— Tinchlikmi?, - debdi.
— Pishirgan sho‘rvang yoqmadi shekilli, ko‘nglim behuzur bo‘lyapti, - deb to‘ng‘illabdi eri.
— Unda nega meni telefonimni ko‘tarib kirib ketdingiz? O‘zingizniki mana-ku!? - degan ekan xotini.