Doda latifalar

— Seni dazmolga o‘xshatdim.
— Dazmol bo‘lsam, nima qilar eding?
— Qiziganmikan deb yuzingga tuflab ko‘rardim.

Ishga ketayotgan er xotiniga debdi:
— Mayli, men ketdim. Bugun kech qaytaman.
Xotini bo‘lsa eriga:
— Aniq kech kelasizmi??? - dermish.

Bir o‘g‘ri hilvat ko‘chada yurib ketayotsa, orqasidan kimdir "To‘xta!" debdi.
Orqasiga sekin o‘girilib qarasa azroil turgan ekan.
— Qo‘rqitvarding! Men militsiyamikin debman, - dermish o‘g‘ri.

Qari qassobning ikki o‘g‘li bor ekan. Qayerda urush-janjal, qayerda o‘g‘irlik, bezorilik bo‘lsa aka-ukalarni qo‘li bo‘lar ekan.
Har qancha urinsa ham, o‘g‘illarini tarbiya qilolmagan otasi qishloq qozisiga murojaat qilibdi. Qozi ularni chaqirib kelishni buyuribdi. Ota ikki o‘g‘lini olib qozi huzuriga kelibdi.
Qozi katta o‘g‘ilni chaqirib "Uyat qani?", - deb so‘rabdi. Aka jim turaveribdi. Qozi: "Senga uyat qayoqda deyabman", - debdi. Yana jim turaveribdi.
Jahli chiqqan imom "Hoy bola, uyat qani deyabman" deb baqiribdi.
Shunda aka-uka turib qochishibdi.
Ukasi:
— Aka nima bo‘ldi, nega qochdik? - deb so‘rasa.
Akasi:
— Uka, qoch, qozining uyatini kesib ketishibdi, bizdan ko‘ryapti, - degan ekan.

Bir irimchi kishi yo‘lda ketayotgan ekan, oldidan qora mushuk o‘tib qolibdi.
Shoshilib orqasiga yetti qadam yurgan ekan, mashina urib ketibdi.

— Doktor, yoshim 80dan oshgan bo‘lsa-da,haliyam qizlarning orqasidan yugurib yuraman.
— E,zo‘r-ku!
— Lekin nimaga yugurayotganimni eslolmayapman-da!

Dangasa, ishyoqmas o‘g‘liga otasi savol berdi:
— O‘g‘lim, katta bo‘lsang kim bo‘lasan?
— Qorbobo bo‘laman dada, - javob beribdi o‘g‘li.
— Ie, nima uchun qorbobo? - ajablanib so‘rabdi otasi.
O‘g‘il javob qaytaribdi:
— Agar qorbobo bo‘lsam, bir yilda bir kungina ishlayman...

Bir ayol gazetaga e’lon beribdi:
— Ichmaydigan, chekmaydigan odamga turmushga chiqaman. 5 xonali uyim, dalahovlim, 2 ta mashinam bor.
E’londan ko‘p o‘tmasdan, bir mast kishi qo‘lida sigaret ayolni eshigini taqillatibdi:
— Kechirasiz, gazetadagi e’lon bo‘yicha kelgandim.
Ayol:
— Iye, men gazetaga ichmaydigan,chekmaydigan odam kerak deb e’lon bergandim.
— To‘g‘ri, shunchaki mendan umid qilmang! Shuni aytib qo‘yishga kelgandim.

Oylik maosh bu - pora olishni bilmaydiganlar uchun berilgan jazodir!

Bir kuni ikkita gradusnik uchrashib qolibdi.
Birinchisi:
— Istimam borga o‘xshaydi!? - desa, ikkinchisi:
— Ha yo‘g‘-ye! Bir silkinib yuborgin...! - dermish.