Latifa.uz saytida eng ko'p ovoz olgan latifalar ro'yxati.
Bir kuni Krishtianu Ronaldu burchakdan to‘p tepayotganda to‘p o‘rniga qattiq toshni tepib hushidan ketib qolibdi. Turib qarasa, shifoxonada. Hamma qora kiyimda. Shunda hayron bo‘lib, qora kiyimdagi qora Kelliniga qarab:
— Ha, meni o‘ldi deb o‘yladinglarmi? - desa
— Yo‘q, sen tepgan to‘pga kalla qo‘ygan Manjukich o‘ldi, - dermish.
Jinnixona bosh shifokoriga muxbir savol bermoqda:
— Bemorlaringiz sog‘ayganini qanday bilasiz?
— Vannaga suv to‘ldiramiz va yoniga qoshiq bilan kosa qo‘yamiz. Bemorlarni chaqiramiz va kim birinchi bo‘lib vannani bo‘shatsa, o‘shanga javob berishimizni aytamiz.
— Tushunarli, sog‘ odam suvni kosa bilan bo‘shatadi, shundaymi?
— Yo‘q, sog‘ odam vannaning tiqinini sug‘urib tashlaydi.
Bir odam do‘kondan baliq sotib olgani borgandi, baliqlarning ichida bir qiyshiq baliq turganmish. Shunda haridor sotuvchiga qarab:
— Aka, nega bu balig‘ingiz qiyshiq desa.
— Ha, bu baliqni burilishda ushlaganmiz dermish.
— Allo, hayvonlarni himoya qilish jamiyatimi? — Ha. Nima gap? — Bu yoqqa odam yuborsangiz. Hovlidagi daraxtga pochtachi chiqib olibdi. Pastdagi itni haqorat qilyapti.
Tungi klubda “kayfi oshib” qolgan bir ayol baland ovozda debdi: — Bu yerda erkak bormi o‘zi? Qani mard bo‘lsang kel, isbot qil! Odamlar orasidan bir erkak kishi chiqib kelib, ko‘ylagi va paypog‘ini yechib ayolga uloqtirib debdi: — Ushla, tez yuvib, quritib, dazmollab qo‘y!
Militsiya tayanch punktida erkak tushuntirish xati yozib o‘tiribdi: "O‘ta kuchli psixotrop vositachilar ta’sirida edim..." Ichki ishlar xodimi erkakka: — "Vositachilar" deb emas "vosita" deb to‘g‘ri yozing! Erkak: — Yo‘q, bu yerda men xotinim va qaynonamni nazarda tutdim.
rivojlangan mamlakatlar korrupsiyaga qarshi kurashning ikkita usulini taklif qilishadi: Birinchisi, Shveysariya usuli. Rahbarlik lavozimlari muddatini qisqartirish. Shunda korrupsiyaga ulgurmaydi. Ikkinchisi, Koreya usuli. Umrni qisqartirish. Agarda mabodo korrupsiyaga ulgurgan bo‘lsa...!