Doda latifalar

Qamoqxonada bir mahbus ikkinchisidan so‘rayapti:
— Sen o‘zi bu yerga qandan qilib kelib qolgansan?
— Aksirganim uchun kelib qoldim.
— Seni koronavirus bo‘lgan deb o‘ylashdimi?
— Yo‘q. O‘g‘rilikka tushganimda aksirib, qorovulni o‘yg‘otib yuborganman.

— Do‘stim, men bu yil albatta institutga kiraman!
— Nega buncha aniq gapiryapsan?
— Toza havoda miya yaxshi ishlaydi deyishadi-ku!

Jinoyatchilar guruhi tomonidan zaharlangan pullar xayriya fondiga topshirilibdi.
Nima uchundir barcha boshliqlar va nazoratchilar zaharlanibdilar.
Muhtojlardan birortasi ham zaharlanmabdi.

Eri yarim tunda mast ahvolda uyga kirib kelsa, xotini:
— Soat nechi bo‘ldi?! Shu paytgacha qayerlarda yuribsiz? - deb qo‘liga soatni ovolib javray ketibdi.
Eri xotirjam ovoz bilan:
— Ko‘p valdirama! Aks holda keyingi safar ko‘lingga kalendar olib gapirasan! - dermish.

Ona tuya va bo‘taloq suhbati:
— Oyi, nega bizni oyoqlarimiz katta va xunuk? Otni oyog‘ini qarang. Shunaqa bo‘lsa bo‘lmaydimi?
— Eh bolam, biz cho‘lda, qumni ustida yuramiz. Shuning uchun oyoqlarimiz shunaqa.
— Oyi, nega bizni belimizda o‘rkach bor. Tekis, chiroyli bo‘lsa bo‘lmasmidi?!
— O‘g‘lim, biz cho‘l hayvonimiz. O‘rkachimizni ichida suv va yog‘ saqlaymiz.
— Oyi, nega bizni lablarimiz bunaqa katta va qo‘pol?
— Chunki cho‘ldagi tikonlarni yeyishga mo‘ljallangan.
— Oyi, axir biz tug‘ilgandan beri zooparkda yashaymiz-ku!

Yigit qizga:
— Seni qattiq sevaman.
— Bu gapni ko‘pchilik qizlarga aytgansiz!
— Demak, seni navbating ekan!

Vrach:
— Agar aroq ichmasangiz, umringizni ancha uzaytirasiz!
Bemor:
— To‘g‘ri aytasiz doktor! 1 hafta ichmagandim, 1 yildek tuyuldi.

Bir kun raqamlar bahslashib qolishibdi.
— Men azaldan baxtsizlik olib kelganman. Mendan hamma qo‘rqadi, - debdi 13 raqami.
— Men kelgan yilimda vabo tarqalgan. Men omadsiz yil bo‘lganman, - debdi 1872 raqami.
— Men esa chechak kasalligi bilan kelib, ko‘pchilikni yostig‘ini quritganman, - debdi 1901 raqami.
Bir payt o‘rtaga 2020 raqami chiqibdi. Hamma jim bo‘lib qolibdi.
— Qaysi birini aytay?! - debdi u.

7 martta ovqatlanib, 11 martta uxlab tursam haliyam karantinda ekanman.

E’lon:
Xotinimning haydovchilik guvohnomasi yo‘qolgan.
Topib olganlardan iltimos, yoqib yuboring!
Suyunchisi bor!