Latifa.uz saytida eng ko'p ovoz olgan latifalar ro'yxati.
O‘g‘lini uxlatmoqchi bo‘lgan ota unga ertak ayta boshlabdi. Bitta, ikkita, uchta, ... ertaklarni aytib tugatgach, eshik sekin ochilib onasini ovozi eshitilibdi: — Uxlab qoldimi? — Ha, adam uxlab qoldilar oyi!
Bir ayol dugonasiga eridan shikoyat qilayotganmish: — Bunday ablah bilan yashashdan to‘yib ketdim. Ichadi, chekadi, uyda har kun janjal. Dugonasi: — U bilan ajrash, tamom! - debdi. Ayol: — Aslo unday qilmayman! U mendan qutulib mazza qilib yashasinmi?! - degan ekan.
Amerikalik milliarder Izraildagi mashhur advokatga SMS xabar yozibdi. Meni odam o‘ldirganlikda ayblashayapti. Agar sudda yutib chiqsang 10 million dollar beraman, - desa, 2 minutdan keyin javob kelibdi: — Uchta guvoh bilan yo‘lga chiqyapman.
— Men uydaman, siz qayerdasiz? — Men majlisdaman. — Iye, qanaqa majlis? Axir shifokorlar bir yerga to‘planmanglar deyapti-ku! — Ha, biz odamlarni bir yerga to‘planmasligi to‘g‘risida majlis o‘tkazyapmiz.
Rais ishchilarga majlis o‘tkazyapti: — Matqobul, siz yana hayfsan oladigan ish qildingiz! - debdi ishchilardan biriga. Jim o‘tirgan boshqa bir ishchi chiday olmay o‘rnidan turib raisga debdi: — Rais tog‘a, nega hadeb shu Matqobilga bir narsalar beraverasiz?! Bizda-yam bola-chaqa bor! Bizgayam biror martta bering-da o‘sha hayfsandan. Biz ham olaylik!
Suzish bo‘yicha musobaqa ketmoqda. Bir jamoaning ikki ishtirokchisi marra tomon suzib bormoqdalar: — Suzib o‘tolmaymiz shekilli. — Suzib o‘tamiz! 50 metr qoldi. — Suzib o‘tolmaymiz. — Suzib o‘tamiz! 30 metr qoldi. — Yo‘q! Aniq suzib o‘tolmaymiz! — 10 metr qoldi. Balki suzib o‘tarmiz?! Ha, mayli orqaga qaytdik. Suzib o‘tolmaydiganga o‘xshaymiz...
— Sarvar, sen katta bo‘lganingda kim bo‘lmoqchisan? — Savdogar bo‘laman ustoz! — Nima uchun injener yoki o‘qituvchi emas? — Injener bilan o‘qituvchini inomarka mashina haydaganini hech ko‘rganmisiz???
Ikkita ovsin gaplashib o‘tirishsa biri debdi:
— Hoy ovsinjon, oldingizdan ikkita qop chiqdi. Birida to‘la oltin, ikkinchisida esa aql. Siz qaysi birini olardingiz? – desa, ovsini ham o‘zini ko‘rsatmoqchi bo‘lib:
— Men aql solingan qopni olardim, - desa, ovsini:
— Ha, kimga nima yetmasa shuni oladi-da...- dermish.