Doda latifalar

Sudya:
— Ayblanuvchi, oylik maoshingiz 500 ming so‘m bo‘lsa-yu, siz 2 qavatli uy, dalahovli qurishga pulni qayerdan olyapsiz?
Ayblanuvchi:
— Janob sudya, bu savolingizga javob berishim uchun menga vaqt kerak...
— Juda yaxshi. 7 yil yetadimi?

Odamlar bankomat oldida navbatda turishsa, orqadan bir kishi baqirarmish:
— Meni o‘tkazib yuboringlar! Bo‘lmasa hozir boshlaringni ustidan yurib ketaman!
Navbatda turgan bir kal odam quliga tuflab boshini silabdi-da:
— Yiqilib tushgin, - debdi.

Stomatologiya poliklinikasi yo‘lagida asabiylashib sigaret chekib yurgan vrachni uchratgan hamshira undan so‘rabdi:
— Nima bo‘ldi, tinchlikmi? Bemoringizni tishlari juda yomon ahvoldami?
Vrach asabiylashib debdi:
— Qani endi shunday bo‘lganida... Bemorimni hamma tishlari sog‘lom, lekin uni pullari ko‘p!!!

— Eshikni oching, MIBdan kelgandik.
— Ochmayman! Sizlardan juda hafaman!

Shanba kunim sokin va yoqimli o‘tayotgandi. Bu shanbamas yakshanba ekanligini bilib qolmagunimcha...

To‘xtamasdan uzoq yugurgan odamga soyasi debdi: “Buncha shoshilasan!? Dam olaylik!

Jurnalist futbol terma jamoasi a’zosidan so‘rabdi:
— Siz bu kasbda nimalarga erishdingiz va kelajakda nima rejalaringiz bor?
— Men bu kasbim orqasidan Dubay, Avstraliya, Yaponiya, Xitoy, Qatar va ...larga sayohatlar qildim. Kelajakda Yevropa bo‘ylab sayohat qilib, ...
— Orzularingiz cheksiz ekan. Endi futbol mavzusiga qaytsak, - debdi jurnalist.

Ayol kishi uchun 40 yosh - juda boshqacha yosh-da...
Bir dugonang buvijon bo‘lsa, yana boshqasi dekretga chiqqan bo‘ladi...

O‘rmonda maymun yugurib ketayotib baqirarmish “Narxlar yana oshibdi, narx-navo ko‘tarilibdi...”. Oldidan bo‘ri chiqib so‘rabdi:
— Nega baqiryapsan?
— Narxlar oshibdi, eshitdingizmi? – debdi maymun.
— Nima bo‘pti? Myenga nima?! Avval go‘sht yeb yurganman, bundan keyin ham yeyaveraman! – debdi bo‘ri beparvo.
Maymun yana yo‘lida yugurishda davom etibdi, “Narxlar oshib ketibdi...!”
Uni oldidan tulki chiqibdi.
— Nima deyapsan?
— Hamma narsa oshib ketibdi...
Tulki ham parvo qilmay:
— Menga umuman farqi yo‘q! Avval mo‘yna kiyib yurganman, bundan keyin ham mo‘ynada yuraman! – deb javob beribdi.
Shunda maymun o‘ylab turib:
— Rostan ham, myenga-yam farqi yo‘q-ku! Avval qanday yalong‘och yurgan bo‘lsam, bundan keyin ham shunday yuraveraman, - dermish.

Bir o‘g‘ri non do‘koniga o‘g‘rilikka tushganda, qo‘lga olinibdi.
Qamoqda rossa xursand bo‘lib o‘tirsa, yonidagilar so‘rabdi:
— Nega buncha xursandsan?
O‘g‘ri javob beribdi:
— Endi menga o‘zlari non berib boqishadi.