Doda latifalar

Vrach kasalxonaga amaliyot o‘tash uchun kelgan qizga debdi:
— Meni ishim chiqib qoldi. Manavi navbatda turgan kasallardan qon olib tur! Hozir kelaman. – debdi.
Amaliyotchi qiz:
— Qanchadan qon olay, - desa, shoshib turgan vrach:
— Uchdan olasan-da! – debdi-da, chiqib ketibdi.
Bir payt vrach qaytib kelsa, kasalxona yo‘lagida 4 ta bemor hushsiz yotganmiz. Amaliyotchi qizga:
— Bularga nima bo‘ldi? – desa, qiz:
— Shuncha harakat qilsam ham uch litr qon chiqmadi... – dermish.

Bir kuni ilonni sakkiz oyoq urgan ekan. Ilon militsiyaga borib “Meni to‘rt kishi urdi” deb yozib bergan ekan.

Jinoyatda gumonlanuvchi shaxsning yoniga advokati kelib debdi:
— Senga ikkita yangiligim bor. Bittasi-yaxshi, bittasi-yomon!
— Yomonidan boshlang, - debdi gumondor.
— Jinoyat sodir bo‘lgan joydan topilgan qon izlari seniki ekan.
— Yaxshisi-chi?
— Qoning toza, gemoglabining baland ekan.

Mehmon mezbonga qarab debdi:
— Sahiyligingizga tasanno! Har safar piyolamga choyni to‘ldirib quyyapsiz...
Mezbon bo‘lsa:
— Ha, choyingizga shakar sola olmasligingiz uchun, - dermish.

Demak, bunday! Yangi 2020 yilda:
Dehqonlarga - yer maydonlari,
Xizmatchilarga - fabrika, zavodlar,
Turmushga chiqmaganlarga - sovchilar,
Ishsizlarga - kira uchun Matiz,
Norozilarga - bir shapaloqdan!!! Bor sovg‘am shu...

Kino shinavandalarining suhbatidan:
— O‘zbek kinolari haqida bilmaganlar nima deydi?
— O‘zbek kinolarini bilmaganlar, o‘zbeklarda qaynonalari yovuz, bemehr va “zahar” bo‘lar ekan. Kelinlari oilada xizmatkor ekan, kuyovlar onasini “chizgan chizig‘idan chiqmaydigan”, qaynotalarning esa oilada umuman o‘rni yo‘q ekan deydi.
— Bilganlar-chi, bilganlar?
— Bilganlar «Ol boshqa kanalga...» deydi.

Xotin eriga:
— Adasi meni sevasizmi? – desa, eri:
— Ahmoq xotin, shuni to‘ydan avval so‘rasang bo‘lmasmidi?! – dermish.

Bir yigit dorixonaga kirib:
— Bu yer bankmi? Menga kredit bering! – debdi.
— Yo‘q, - debdi apteka xodimi.
— Nega unda boyadan beri faqat pul sanaysiz? – degan ekan yigit.

Konservatoriya talabasi mutaxassislik bo‘yicha bitirish imtihoni oldidan hayajonlanib tursa, kursdoshi:
— Shu ham muammomi? Imtihon oladigan o‘qituvching yozgan kompozitsiyasini olgin-da, boshidan oxirigacha teskari o‘girib yozginda, topshirib chiqaver! – deb maslahat beribdi.
Talaba hafa bo‘lib:
— Unaqa qilib ko‘rdim, ustozim yozgan musiqasini teskari chalib ko‘rsam, Betxovenni musiqasi chiqyapti.

Do‘konga kirgan mijoz sotuvchiga debdi:
— Kecha sizlardan ayollar paltosini sotib olgan edim. Xotinimga yoqmadi. Almashtirib bersangiz...
Sotuvchi hayron qolib:
— Bo‘lishi mumkin emas! Axir bu ajoyib palto-ku! Balki paltoni emas, xotinni almashtirarsiz?!