Doda latifalar

Bir ayol dugonalari bilan yangi yilni bayram qilibdi va rosa shampanskiy ichib, uyiga mast holatda kech qaytibdi. Qarasa eri uxlayapti. U xotinini kech kelganini bilmabdi ham.
Xotin darhol noutbukini ochib o‘zini ishlatayotganga solibdi.
Eri shovqinda uyg‘onib xotinga:
— Nima bayramda ichib oldingmi?
Xotin:
— Yo‘q, dadasi ertaga juda muhim ishim bor shuni yozayapman!
Eri:
— Yolg‘on gapirma, alkash chemodonni yopib tezda uxla.

Bir mehmondorchilikda yosh surishtirib qolishdi. Afandiga kelib birov:
— Afandi, siz nechaga kirdingiz?—deb so‘radi.
— Bu yil qirqqa kirdim,— dedi Afandi.
— Iye,— dedi boyagi kishi,— bundan o‘n yil ilgari ham qirqqa kirdim degan edingiz-ku?
Afandi javob berdi:
— Qiziq odam ekansiz, kishining gapi bitta bo‘ladi-da.

Yigit sevgan qiziga debdi:
— Menga turmushga chiqish taklifini bergandim. Anchadan beri javob bermayapsan?!
Qiz debdi:
— O‘shandan beri qancha oylik maosh olishingizni bilolmayapman...!

Qarilikning belgilari:
1. Oq sochlar
2. Yuzdagi ajinlar
3. Korpusi singan uyali telefoningizdagi pulni rezinkasi yoki allaqachon ekrani singan sensor telefoningiz.

Bir kuni bo‘g‘irsoq hammomga sochiq ko‘tarib kirib ketayotganmish.
— Qayoqqa ketyapsan? - desa, bo‘g‘irsoq:
— Boshimni yuvib chiqay, - dermish.

Baliq ovidan yaxshi kayfiyatda qaytgan er xotiniga:
— Qara, qancha baliq tutganimni! Bugun ovim baroridan keldi! - debdi.
Xotini:
— Aldamang! Shuncha baliqni o‘zingiz ovlamagansiz! Qo‘shnimiz sizni baliq do‘koniga kirib-chiqganingizni ko‘ribdi-ku! - desa, eri:
— To‘g‘ri, kirdim. Tutgan baliqlarimni yarmini sotib yuborishga to‘g‘ri keldi-da! - dermish.

Xotin eridan so‘rayotganmish:
— Adasi, sochlarim chiroylimi?
— Ha, chiroyli.
— Ko‘zlarim-chi?
— Ko‘zlaring ham.
— Burnim chiroyli-a?
Er hayron bo‘lib:
— Nima, ko‘zguda ko‘rinmayapsanmi???

Ish faoliyatingni mazmunli olib borishingda hamkasblaring juda muhim! Axir hamma aybni ularga to‘nkab qo‘yish mumkin.

Nikoh o‘qish marosimidan:
Mirsaid qizi Gulmiraxon, Abdullajon o‘g‘li Azamatga turmushga chiqishga, u bilan borlikda ham, yo‘qlikda ham, salomatlikda ham, kasallikda ham, mastlikda ham, tetiklikda ham, chiroq, gaz, suv borligida ham, puli tugab o‘chib qolganida ham, kredit to‘langanda ham, to‘lanmaganda ham, kvartirada ham, o‘z uyingizda ham birga yashashga rozimisiz?