Doda latifalar

Bir qari kampir shifokor huzuriga borib:
— Bolam, yuragim ogʻriyapti, - debti. Shunda doktor:
— Koʻpqavatli uyda turasizmi buvijon? – desa, kampir:
— Ha, 3 qavatda turaman, - deb javob beribdi.
Doktor:
— Sizga umuman zinadan foydalanish mumkin emas. Manavi dorini 2 oy ichasiz. Dori tugagach keling, tekshiramiz, - debdi.
Onaxon 2 oydan soʻng kelib, yuragini tekshirtiribdi.
Doktor xayron qolib:
—Onajon, sizni yuragigingiz 18 yoshli qizlarni yuragidek uryapti. Siz butunlay sogʻsiz! - debdi.
Kampir xursand boʻlib:
— Endi uyimga zinadan chiqsam boʻladimi? – desa, doktor:
— Shu paytgacha nimada chiqayotgandingiz? –debdi.
Onaxon:
— Ikki oydan beri oyna, tarnovlarga ilashib chiqayotgandim, - dermish.

Xotin eriga debdi:
— Men qanday ayol boʻlsam, yonimdan bir zum ham ketmas edingiz?
Er oʻylanib turib javob beribdi:
— Pastki qavatdagi ayolga oʻxshagan boʻlsang...
Xotini:
— Qanaqa ayol ekan u? – desa, eri:
— Soqov ayol bor-ku...! – degan ekan.

Qamoqxonaga yangi mahbusni olib kelishibdi.
Boshqa mahbuslar undan:
— Seni nega qamashdi? – deb so‘rashsa, yangi mahbus:
— Men qayoqdan bilib o‘tiribman, Amerikada ham huddi men chiqarayotgan pullardan chiqarayotganligini??? – degan ekan.

Bir kuni ikkita jinni qorni ochib o‘ylanib o‘tirishgan ekan, biri debdi:
— Qani endi bitta non bo‘lsa, men bitta tishlardim, sen bitta tishlarding, men bitta tishlardim, - desa sherigi:
— Sen nega ikki martta tishlayapsan? - deb urishib ketibdi.

Ikkita og‘ayni bog‘da daraxtlarga chiqib olib, olma o‘g‘irlayotishsa, bog‘ qorovuli kelib qolibdi.
Og‘aynilardan biri sherigiga:
— Qochdik Rahim, qorovul keldi, - desa, sherigi:
— Ha ahmoq! Familiyamni ham ayt endi nodon!!! – dermish.

Bir yigit folbinni yoniga borib so‘rabdi:
— Men shu kungacha juda ko‘p qizlar bilan “yurdim”. Ularni sanog‘i yo‘q. Ko‘ngilhushlik qilib, hamma yomonliklarni qilib bo‘ldim. Endi bo‘lsa hamma gunohlarimni tan olib, tavba qildim. Ayting-chi, men qanday qizga uylanaman endi?
Folbin yigitga qarab turib:
— Siz huddi o‘zingizga o‘xshagan, tavba qilgan qizga uylanasiz, - degan ekan.

Ko‘p yillik er-xotin suhbati:
— Xotin anavi narsa qayerda edi?
— Boyagi yerga qo‘yib qo‘ygandim.
— Ha, topdim. Rahmat.

Ilon o‘ynatuvchining yoniga bir kishi kelib so‘rabdi:
— Dunyodagi eng zaharli ilon bilan ham gaplasha olasizmi?
— Albatta, - debdi ilon ustasi. Keyin ayoliga telefon qilib debdi:
— Onasi kelgunimcha osh damlab qo‘y, - debdi-da, haligi kishiga qarab, - ko‘rdingmi, gaplashdim, - debdi.

Bir bola o‘rtog‘idan uy vazifalarini ko‘chirganini o‘qituvchi bilib qolib:
— Nimaga sen o‘rtog‘ingdan ko‘chirding?! U o‘zini tomdan tashasa, sen ham tashlaysanmi?! desa,
— Yo‘q ustoz! O‘lay agar "Siniy kit" o‘ynamaganman, - degan ekan.

Nikoh to‘yida kuyov jo‘ra so‘zga chiqib debdi:
— Do‘stim, sen uylanayotgan qizni men umuman bilmayman. Shuning uchun seni tabriklay olmayman...
Lekin men kuyov bolani juda yaxshi bilaman. Shuning uchun kelin bola afsus, sizni hecham tabriklay olmayman!