Latifa.uz saytida eng ko'p ovoz olgan latifalar ro'yxati.
Eshigi ochiq holda yurib ketayotgan marshrutka haydovchisi orqaga o‘girilib debdi:
— Bu nimasi? Eshikni yopinglar!
Orqa o‘rindiqlardan birida ketayotgan ayol norozi ohangda:
— Ichkari juda issiq. Biroz eshiklarni ochib ketaveraylik! – desa, haydovchini jahli chiqib:
— Esingiz joyidami? Yo‘lda kimdir tushib qolsa-chi?! – debdi.
Yo‘lovchi ayol haydovchiga javob beribdi:
— Havotir olmang! O‘zim yo‘l kira haqqini to‘lab yuboraman...!
Hurmatli erkaklar! Agar siz maktab bilan bir devor qo‘shni bo‘lsangiz ham, xotiningiz shaharni narigi chetidagi maktabga farzandingizni o‘qishga beradi...
Dala o‘quv mashg‘ulotlariga chiqqan komandir serjantga topshiriq beribdi:
— Men uyquga yotyapman. Uyqudan turganimda dasturxonda quyon go‘shtidan qaynoqqina sho‘rva bo‘lsin! Tushunarlimi?
— Huddi shunday, o‘rtoq polkovnik! - javob beribdi serjant.
Bir soat vaqt o‘tgach, polkovnik uyg‘onib, ne ko‘z bilan ko‘rsinki, stolga yozilgan dasturxon ustida qaynoqqina sho‘rvadan xushbo‘y bug‘ chiqmoqda. Tabiiyki, polkovnik hayron.
— Xo‘sh, bunchalik qisqa vaqt ichida quyon tutishga qanday muvaffaq bo‘lding? - so‘rabdi u serjantdan.
— Muammo bo‘lmadi, o‘rtoq polkovnik. Atrofga qarasam, allaqanday quyon yugurib yuribdi. Miltig‘imni ko‘tarib, o‘t ochdim. Bechora “miyov” deyishga ham ulgurmadi! – dermish serjant.
— Styuardessa, nimaga samolyot silkinib uchyapti?
— Kim aytdi sizga uchyapmiz deb?! Samolyotimiz nosoz ekan. Samarqandgacha 300 kilometr, yerda yurib yetib olishga qaror qildik.
Hukumat vakillari «Chernobil» AES dan bo‘shab qolgan yerlarga nima ekish mumkinligi haqida muhokama qilmoqda: — Daraxt ekib bo‘lmaydi. Yer zaharlangan. Mevali ko‘chatlarni gapirmasa ham bo‘ladi... — Men bilaman! Bu yerlarda tamaki yetishtirish kerak. Tamakini yig‘ib olib, undan sigaret tayyorlanadi va sigaret qutisini ustiga shunday yozuv yozib qo‘yiladi: “Sog‘liqni saqlash vazirligi oxirgi marta ogohlantiradi! Chekish sog‘liq uchun xavfli!”
Bir sayyoh Bombey ko‘chasida adashib qolibdi. Shunda to‘g‘ridan bir barzangi, qop-qora yigit kelayotsa, haligi odam yonidagi ko‘chaga burilib qochmoqchi bo‘libdi. Shunda haligi barzangi yigit sayyohga:
— U yoqqa borma! Kiyimlaringni yechib olishadi, - desa, sayyoh barzangiga:
—Rahmat aka! Yaxshi aytdingiz. Qayoqqa boray? – debdi.
Barzangi:
— Shu yerda yechinaver, - degan ekan.
Bar yonida o‘tirgan qizning yoniga bir yigit kelib:
— Yaxshi qiz, raqsga tushasizmi? – desa, qiz nozlanib:
— Ha, albatta, - debdi.
Shunda yigit:
— Borib biroz raqs tushib keling! Bo‘sh joy yo‘q ekan, menga joy kyerak, - dermish.
Afandi vafot etibdi. Farishtalar uning savoblar va gunohlarini tarozida o‘lchab ko‘rsa, ikkalasi ham teng ekan. Farishtalar so‘rabdi:
— Qayoqqa tushmoqchisan? Jannatgami yo do‘zaxgami? Shunda afandi jannatga qarabdi. Hamma shaxmat, shashka o‘ynab o‘tirgan ekan. Keyin do‘zaxga qarabdi. U yerda diskoteka bo‘layotgan ekan. Afandi:
— Jannatga kirsam, zerikaman. Mayli do‘zaxga kira qolay, – deb do‘zaxga kiribdi. Kirishi bilan hamma bir-birini urayotgan ekan.
Afandi farishtalardan:
— Nega bunday bo‘ldi? – deb so‘rasa, farishta:
— Bu reklama edi! – degan ekan.
— Adasi, yana ovqat yeysizmi?
— Ha, albatta. Axir shuncha mehnatim ketgan.
— Qanaqa mehnat? Ovqatni men tayyorladim-ku?!
— Men xotin tanlashga deyapman.