Doda latifalar

Bolaligimizda kattalar bizga “Katta bo‘lsang aytib beraman” deyishar edi.
Kimgadir biror narsani aytib berishdimi kattalar?

— Do you speak English?
— Men-mi? Ha, shunaqa-yam speak qilaman-ki, ko‘rsangiz do deb yuborasiz...

Ikki doktor gaplashyapti:
— Nega siz bemorlaringizni chala davolab, uyga javob beryapsiz?
— Axir men yarim stavkadaman-ku!

Telefon qo‘ng‘irog‘i jiringladi:
— Allo?
— Allo. Men morgga tushdimmi?
— Yo‘q. Hozircha bu yerga faqat qo‘ng‘iroq qilyapsiz.

Mahallada 20 ta xotin gaplashib o‘tirsa, bir kishi yangi mashina haydab kelib debdi:
— Qaysi biringizni telefoningizda qaynonangizni rasmi bo‘lsa, shu mashina o‘shaniki bo‘ladi.
Afsuski, mashinani hech kim ololmabdi.

Uzoq vaqt uchrashmagan do‘stlar:
— Salom do‘stim! O‘zgarib ketibsan. Nima ish qilyapsan?
— Menmi? Tadbirkorman.
— Tadbirkor? O‘x-o‘, zo‘r-ku! Aynan qanday tadbirkorsan?
— Och qolmaslik chora-tadbirlarini qidirib topaman.

Ayollar turmushga chiqganlaridan so‘ng o‘ta sezgir bo‘lib qolar ekanlar. Erining plastik kartochkasiga pul tushganini eshitisharmish...

Irim-sirimlarga ishonasizmi?
Xotin uydan chiqsa, pul ketarmish...

Sudya:
— Nega siz nuqul kunduz kuni o‘g‘irlik qilgansiz?
Ayblanuvchi:
— Kechasi ko‘p pul bilan yurishga qo‘rqaman-da.

Yigit otasini mashinasini haydab ketyapti:
— Qalay ada, mashina haydashni o‘rganibmanmi?
— Yo‘l chetida turganchiroyli qizni ko‘rdingmi?
— Yo‘q, ko‘rmadim.
— Unda hali o‘rganmabsan!