Doda latifalar

Bir ayolning eri har kuni mast bo‘lib uyiga kelar ekan.
Nihoyat xotinini sabri tugab eriga debdi:
— Dadasi, agar ertaga ichishni tashlasangiz, boqib turgan qo‘chqorimizni oyog‘ingiz ostiga so‘yaman, - debdi.
Ertasi kuni eri har kungidan battar ichib, mast bo‘lib kelibdi va to‘g‘ri qo‘yxonaga borib, qo‘chkorga qarab debdi:
— Qo‘rqma! Sen so‘yilmaydigan bo‘lding! Toki men tirik ekanman, hali ko‘p yashaysan!

Bir yigit do‘stiga debdi:
— Senga bir gap aytaymi? Negadir oxirgi paytlarda hayoling parishon bo‘lib qolgansan, - desa, do‘sti:
— Nima gap aytmoqchi eding? – dermish.

Qarg‘a osmonda uchib ketayotgan reaktiv samolyotga qarab turib yonida birga uchayotgan qarg‘adan so‘rabdi:
— Qiziq, anavi qushcha qanday qilib bunday tez ucha olarkan-a?
— Sening ham dumingga o‘t qo‘yishsa, qanday uchishingni ko‘rardik, - debdi yonidagi qarg‘a.

Bir o‘zbek futbolchimizdan so‘rashibdi:
— Nega o‘yin vaqtida buncha ko‘p gapirasiz?
U debdi:
— O‘yinchilarimiz chet tilini bilmaydi. Shuning uchun raqiblarimiz qanday taktika qo‘llab o‘ynayotganini ularga tushuntiraman.

Bir mushuk ko‘chada daydib yursa, itni uchratib qolibdi:
— Nima qilib sang‘ib yuribsan? – debdi itga.
— Xo‘jayin uyga domofon qo‘ydi. Endi meni keragim yo‘q, - debdi it.
— O‘zing-chi? Xo‘jayningni sovuqda oyog‘i og‘rirdi shekilli...? Sen uni oyoqlarida yotarding. Seni juda yaxshi ko‘rar edi-ku!? – desa, mushuk:
— E, xo‘jayinim uyiga issiq pol o‘rnatdi. Endi meni kerakmas deb o‘ylayapti. Hali qish kelsin, ko‘ramiz...!

Qiz bolani uyiga sovchilar kelib-ketibdi.
Onasi:
— Nimasi yoqmadi? Tuppa-tuzuk yigit-ku!
Qiz:
— Yoqmadi! Sariq-mashak! Sochini qarang, sap-sariq!
Qo‘shni xonada qizini gapini eshitib o‘tirgan adasi:
— Tegaver, zarari yo‘q! Sen bilan 1 yil yashasa, sochi oppoq bo‘ladi-ku!

Hurmatli erkaklar! Agar siz daryoni yonginasida yashangiz ham, xotiningiz albatta Turkiya dengizlarida cho‘milgisi kelaveradi...

Bir ayol egizak farzandlarni dunyoga keltiribdi. Biri sap-sariq, ikkinchisi qop-qora emish.
Tug‘ruqxonada siz o‘ylagandek shivir-shivir bolalay boshlagan ekan yangi ona shunday izoh beribdi:
"Homilador bo‘lgandan beri tinmay Fanta bilan Kola ichdim. Hammasi shundan".

Hayvonlarga qiziquvchan yigit zoodo‘konga kirib so‘rabdi:
— Sizlarda gapiruvchi hayvon bormi?
— Bor. Bizda qirqoyoq degan jonivor bor. U bemalol gaplashadi, - debdi sotuvchi.
Yigit:
— Iltimos, qirqoyoq bersangiz, - deb sotib olibdi.
Uyiga kelgach, qirqoyoqqa ovqat beribdi. Birozdan so‘ng yigit:
— Yur, ko‘chaga chiqib kelamiz, - desa, qirqoyoq indamasmush. 10 daqiqa o‘tib, yigit yana:
— Yur deyapman ko‘chaga chiqamiz, - dyebdi.
Qirqoyoq bo‘lsa:
— Shoshmay tur, poyafzallarimni kiyib olay! – dermish.

Eshigi ochiq holda yurib ketayotgan marshrutka haydovchisi orqaga o‘girilib debdi:
— Bu nimasi? Eshikni yopinglar!
Orqa o‘rindiqlardan birida ketayotgan ayol norozi ohangda:
— Ichkari juda issiq. Biroz eshiklarni ochib ketaveraylik! – desa, haydovchini jahli chiqib:
— Esingiz joyidami? Yo‘lda kimdir tushib qolsa-chi?! – debdi.
Yo‘lovchi ayol haydovchiga javob beribdi:
— Havotir olmang! O‘zim yo‘l kira haqqini to‘lab yuboraman...!