Doda latifalar

Ko‘chada qo‘shni ayolni ko‘rib qolib, undan so‘radim:
— Qayerga ketyapsiz?
— Vazirlikka. Tartibga keltirib kelish uchun.
— Qoyilman! Juda-yam jur’atli ekansiz-ku?!
— Yo‘q, men shunchaki u yerda farroshman...

Bir yigit do‘stiga debdi:
— Men xotinimni karate seksiyasiga berdim.
— Ho‘sh qalay?
— Yaxshi! Shug‘ullanyapti...
— Sen-chi?
— Men ham... Ovqat tayyorlashni, kirlarni yuvishni, uy tozalashni o‘rganib oldim...

Direktor bir o‘quvchiga maktab derazalarini bo‘yashni buyurgandi. Ikki soatdan so‘ng o‘quvchi direktordan so‘radi:
— Romlariniyam bo‘yaymi?

Afandi mast holda uyiga kirsa, uyida gaz hidi ekan. Afandi fikrlabdi:
"Hozir chiroqni yoqsam, yonib ketaman" deb, uyga sham yoqib kirgan ekan.

Qamoqxona boshlig‘i soqchiga debdi:
— Hamma yoqni tartibga keltiring! Bu yerga hokim kelyapti.
Soqchi xursand bo‘lib:
— Vanihoyat, oxiri qo‘lga tushibdi-da, ...

— Ishonasanmi, kechayu-kunduz ishlayman. Tinim bilmayman. Hatto, ulgurmagan ishlarimni uyga olib ketib ishlayman.
— Qayerda ishlaysan o‘zi?
— O‘likxonada bosh vrachman.

Uyida qo‘l telefonini unutib qoldirgan er ishxonadan xotiniga qo‘ng‘iroq qilyapti:
— Azizim, telefonimni o‘chirib qo‘ysang. Jiringlayverib seni bezovta qiladi.
Xotini:
— Sizga Alisherdan SMS keldi. Bugun tunda kutar emish...! Ko‘ziga uyqu kelmayotgan ekan...! – debdi jahl bilan.
Eri:
— Meni uyga kirgizmaysanmi??? – desa, xotini:
— Nega endi!? Bugun kechasi uxlashingiz uchun darvozani yoniga joy tayyorlab qo‘ydim! – dermish.

Choyxonada oshxo‘rlik qilib o‘tirgan Afandiga bir tanishi debdi:
— Uyingizga o‘t ketdi, tez boring!!!
— E, yo‘q! Biz xotinim bilan ishlarni bo‘lishib olganmiz. Men pul topib boraman. Xotinim uydagi ishlarga qaraydi. Bor o‘ziga ayt!

Birinchi sinf o‘quvchisiga onasi dars qildiryapti:
— Senda to‘rtta olma bor edi. Ikkitasini yeding. Nechta qoladi?
— Ikkita olma va ikkita olmaning po‘chog‘i, oyijon...!

Divanda futbol ko‘rib yotgan otasiga o‘g‘li debdi:
— Adajon, shirin choy ichaman...
Otasi ayyorlik ishlatmoqchi bo‘lib:
— Men ham ichaman... Kel, men senga tayyorlayman, sen esa menga, - debdi.
O‘g‘li shirin choy ko‘tarib kelib:
— Adajon, mana choyingiz! Meniki qani? - desa, otasi:
— Ichgim kelmay qoldi, shuni o‘zing ichaver!!! - dermish.