Doda latifalar

Ko‘chada qizaloq yig‘lab tursa, yoniga bir odam kelib:
— Kap-katta qiz ekansan. Nega yig‘layapsan?
Qizaloq:
— Nima ishingiz bor. Yo‘qoling bu yerdan! - debdi.
Haligi odam yana:
— Kichkina bo‘la turib, bunaqa yomon so‘zlarni qayerdan bilasan?
Qizaloq:
— Tushunmadim. Bir kap-katta deysiz, bir kichkina deysiz...?!

Nafaqaga chiqgan ikkita chol istirohat bog‘idagi o‘rindiqda o‘tirishsa, yonlaridan chiroyli qiz o‘tib ketibdi. Biri ikkinchisiga qarab:
— Qara anavi qizni. Hozir yigirma yoshli yigit bo‘lsam tanishardim, - desa, ikkinchisi:
— Esingni yeganmisan, yana yigirma yil ishlamoqchimisan? - dermish.

— Oyijon, avtobusda bir ayolga joy berayotgan edim, u menga konfet uzatdi.
— Sen-chi, nima qilding?
— Konfetni olib, yana o‘rnimga o‘tirib oldim.
— Nega?
— Boshqasidan ham konfet olishim kerak-ku!

Qari chol-kampir radiopriyomnik sotib olishibdi. Elektrga ulab, qarab turishsa, ishlamabdi. Birozdan so‘ng tutun chiqishni boshlabdi.
— Gapirmayapti-ku?! - debdi chol.
— Hozir chekib olsin, keyin gapirar, - dermish kampir.

Haydovchilar yo‘lda biror xavf bo‘lsa, avtomobil chiroqlarini yoqib-o‘chirib boshqa haydovchilarni ogohlantirishadi. Yo‘llarimizda eng ko‘p uchraydigan xavfni bilishadi. DAN xodimini ko‘rib qolishsa...

Bir odam Rossiyaga boribdi. Qarasa bolakaylar ruscha gaplashib, o‘ynab yurishgan ekan. Boyagi odam qarab turib:
— Kichkina bo‘lsa-yam, rus tilini bilishadi-ya, - dermish.

— Meni bolalarim qorboboga xat yozishni allaqachon boshlab yuborishdi.
Qorbobo esa ularni yonginasida o‘tirib, sovg‘alar narxini hisoblab aqldan ozay deyabdi.

Professor tibbiyot talabalariga murdani ko‘rsatib so‘ramoqda:
— Ho‘sh Naimullo, bu murda nima sababdan vafot etgan?
— Domla, infarktdan o‘lgan.
— Adashding! Ravshanbek sen ayt-chi?
— Domla, u aroqni ko‘p ichganidan jigari shishib o‘lgan
— Qoyil Ravshanbek. Qayerdan bilding buni?
— Nahotki qo‘shnimiz Xayrullo amakini tanimasam...!?

"Biz yoshlarni oliftagarchiliklari orqasidan milliardlar ishlab olyapmiz!"
Apple va Samsung kompaniyalari.

Bir qo‘li yo‘q nogiron tushkunlikdan yig‘lab o‘tirgan ekan, narirokda ikkala qo‘lidan ham mahrum bo‘lgan bir odam tinmay raqsga tushayotgan emish. Bir qo‘llik nogiron yaqinroq kelib, so‘rabdi:
— Mening bir qo‘lim yo‘qligidan xudoga nolib o‘tirsam-u, sen ikkala qo‘ling bo‘lmasa ham hadeb raqsga tushasan?
Ikki qo‘li yo‘q debdi:
— Ko‘p gapirmasdan yelkamni qashib qo‘ysang-chi...?! Boyadan beri qiynalib ketdim...