Doda latifalar

Qari chol-kampir radiopriyomnik sotib olishibdi. Elektrga ulab, qarab turishsa, ishlamabdi. Birozdan so‘ng tutun chiqishni boshlabdi.
— Gapirmayapti-ku?! - debdi chol.
— Hozir chekib olsin, keyin gapirar, - dermish kampir.

Haydovchilar yo‘lda biror xavf bo‘lsa, avtomobil chiroqlarini yoqib-o‘chirib boshqa haydovchilarni ogohlantirishadi. Yo‘llarimizda eng ko‘p uchraydigan xavfni bilishadi. DAN xodimini ko‘rib qolishsa...

Bir odam Rossiyaga boribdi. Qarasa bolakaylar ruscha gaplashib, o‘ynab yurishgan ekan. Boyagi odam qarab turib:
— Kichkina bo‘lsa-yam, rus tilini bilishadi-ya, - dermish.

Professor tibbiyot talabalariga murdani ko‘rsatib so‘ramoqda:
— Ho‘sh Naimullo, bu murda nima sababdan vafot etgan?
— Domla, infarktdan o‘lgan.
— Adashding! Ravshanbek sen ayt-chi?
— Domla, u aroqni ko‘p ichganidan jigari shishib o‘lgan
— Qoyil Ravshanbek. Qayerdan bilding buni?
— Nahotki qo‘shnimiz Xayrullo amakini tanimasam...!?

"Biz yoshlarni oliftagarchiliklari orqasidan milliardlar ishlab olyapmiz!"
Apple va Samsung kompaniyalari.

Bir qo‘li yo‘q nogiron tushkunlikdan yig‘lab o‘tirgan ekan, narirokda ikkala qo‘lidan ham mahrum bo‘lgan bir odam tinmay raqsga tushayotgan emish. Bir qo‘llik nogiron yaqinroq kelib, so‘rabdi:
— Mening bir qo‘lim yo‘qligidan xudoga nolib o‘tirsam-u, sen ikkala qo‘ling bo‘lmasa ham hadeb raqsga tushasan?
Ikki qo‘li yo‘q debdi:
— Ko‘p gapirmasdan yelkamni qashib qo‘ysang-chi...?! Boyadan beri qiynalib ketdim...

Erta tongda uyiga qaytgan eriga eshik ochgan xotini:
— Ha, nega keldingiz? - debdi.
Eri bo‘lsa o‘zini yo‘qotib:
— Nonushta qilgani..., - dermish.

Bir kuni afandi baliq oviga boribdi.
Havo aynib, sovib ketibdi. Shunda afandi baliq to‘riga o‘ranvolib, — baribir sovuq-da..., - dermish.

Tilla baliq Maksim Galkinga qarab debdi:
— Bor, ketaver! Seni kampiringda hamma narsa bor.

Ertalab kelin kaftlarini yerga tekkazib, mashq qilayotsa, qaynonasi unga qarab:
— Salom bersangiz bo‘ldi. Ta’zim qilishingiz shart emas!, - debdi.