Doda latifalar

Bo‘linma shaxsiy tarkibi mashg‘ulot o‘tmoqda.
— Oddiy askar Aliyev!
— Men!
— Faraz qiling, postda turibsiz. Kimdir post tomon emaklab kelmoqda. Qanday ish tutasiz?
— Ichib, oyog‘ida tura olmay qolgan batalon komandirini uyiga eltib qo‘yaman.

Ahmad, Shuhrat va Shavkat degan bezori yigitlar yarim tungacha ichib o‘tirib, mast holatda uxlab qolishibdi. Uchchalasi ham bir xil tush ko‘rishibdi. Tushida farishta qabuliga navbatda turishgan ekan. Birinchi bo‘lib Ahmadga kiribdi:
— Mana bu qalin kitobga seni gunohlaring yozilgan. Shu kitob bilan boshingga uraman. Yiqilsang, do‘zzaxga tushasan, - debdi farishta Ahmadga.
Ichkaridan “gurs” etgan tovush eshitilibdi. Birozdan keyin Ahmad emaklab, zo‘rg‘a chiqib kelibdi.
Ikkinchi bo‘lib Shuhrat kiribdi. Ichkaridan yana “gurs” etgan ovoz kelib, Shuhrat ham emaklab chiqib kelibdi.
Oxirgi bo‘lib Shavkat kirib ketibdi. Anchagacha hech qanday ovoz eshitilmabdi. Bir vaqt ichkaridan Shavkat kulib chiqibdi.
— Nima, seni urmadimi? – deyishsa,
— Yo‘q, kitobni og‘irligidan ko‘tara olmadi, - dermish.

Qizalog‘ini bog‘chaga kiyintirayotgan otasi:
— Qizim, bo‘ying yetib, turmushga chiqay deb turibsan-u, haliyam shimingni kiyishni bilmaysan!, - desa,
Qizi hafa bo‘lib:
— Hamma qizlar to‘yda kelin ko‘ylak kiysa, myen shim kiyamanmi?, - debdi.

Ikki dugona gaplashyapti:
— E dugonajon, anchadan beri tobim yo‘q. Juda mazam qochyapti-da. O‘tib ketarmikin-a?
— O‘tib ketadi. O‘tgan yili yon qo‘shnim huddi sizga o‘xshab yurgan edi. O‘tib ketdi rahmatli.

Psixolog mijozga:
— Eng yomon ko‘rgan odamingizga xat yozib, uni yoqib yuboring.
Mijoz:
— Xo‘p bo‘ladi. Xatni-chi, xatni nima qilay?

Hazil sher:
Ayrim g‘unchalar ochilar ertalab,
Talaba qizlar o‘qishga shoshar ertalab,
Yarmi bilim talab, yarmi ertalab.

Qiz yigitiga:
— Joon, agar sizni qo‘yib boshqa yigit bilan bo‘lsam achinarmidiz? - desa
— O‘libmanmi yetti yot begana bolaga achinib, - debdi

Erini ko‘rgani kelgan xotin, yig‘lagancha palataga kirib keldi.
Eri:
— Ha xotin, nima bo‘ldi?
Xotin yig‘laganicha:
— Kecha onamni mashina urib ketdi, - desa...
Er:
— Xotin bilasanku jag‘im singan. Meni kuldirma, - dermish

Bir oylik kelin ota uyiga arazlab keldi. Otasi so‘rabdi:
— Yana nima bo‘ldi qizim?
— Erim bilan urishib qoldim.
— Har safar qaynonang bilan urisharding-ku?
— Qaynonam shuncha javrasam ham indamay qo‘ydi, man ham kim bilandir gaplashishim kerak-ku.

Bir qizcha qorboboga xat yozibdi.
— Qorbobo manga yangi yilda ukacha olib kel, - debdi.
Xatni yuboribdi. Bir kundan keyin qorbobodan, qizchaga xat kelibdi.
— Ukacha kerak bo‘lsa, oyingni yubor, - debdi