Latifa.uz saytida eng ko'p ovoz olgan latifalar ro'yxati.
Gumondor shaxs va tergovchi suhbatidan. Tergovchi:
— Bizga faqatgina jinoyat sodir etgan odam o‘qituvchi ekani ma’lum. Aytganday soat nechi bo‘ldi ekan?
Gumondor:
— Hali tanaffuzga ancha bor...!
Institut auditoriyasida dars ketyapti. O‘qituvchi doskaga murakkab formulalarni yozish bilan band. Talaba yigitlar esa karta o‘yini bilan mashg‘ul.
Yigitlardan biri qo‘lidagi kartani noto‘g‘ri tashlab, o‘yin qoidasini buzgan edi, yonidagi o‘rtog‘i:
— Ey, tushunmadim...!!! Manga qara! Nima bu??? - desa, doskaga yozayotgan o‘qituvchi shoshib-pishib:
— Hozir, hozir hamma formulalarni tushuntirib beraman, - dermish.
Kechasi ichib kelgan er ertalab zo‘rg‘a boshini yostiqdan ko‘tarib baqiryapti:
— Eh qaynonama, shunaqayam odam bo‘lasizmi!
Bu gapni eshitgan xotini yugurib keldi:
— Tinchlikmi, onam sizga nima yomonlik qildilar?
— To‘g‘risiyamda! Qizlariga shunday ism tanlashganki, ertalab eslay olmayman!
Bir erkak uyga kelsa, xotini yotoqxonada yotgan emish.
— Bemahalda nega bu yerda yotibsan? - desa, xotini:
— Yuragim huruj qilib qoldi, - debdi.
Eri tez yordamga qo‘ng‘iroq qilish uchun yo‘lakdagi telefonga yugurib chiqsa, o‘g‘li debdi:
— Ada, shkafni ichida qo‘shni amaki o‘tiribdi!
Er yotoqga qaytib kirib, shkafni ochsa, haqiqatdan qo‘shni kishi kiyimsiz o‘tirgan ekan.
Shu payt erini jahli chiqib ketib, shkaf ichidagi qo‘shnisiga qarab:
— Anavi yerda xotinimni yuragi huruj qilib yotibdi, sen bo‘lsa shkafni ichida xotirjam o‘tirishingni qara! - dermish.
Bir talaba yigit ertalab nonushta qilib, telefoniga o‘rnatilgan TashBus da avtobus qachon kelishini qarab o‘tirsa, buvisi debdi:
— Bolaginam, nima qilyapsan?
— Avtobus kutyapman, - javob beribdi nabirasi.
Buvisi nabirasini ahvolidan xavotir olib:
— Bu telefon o‘lgur yoshlarni aqldan ozdirmasaydi. Oshxonada-yam avtobus kutadimi?! - dermish.
Bugun rahbarimiz 5 yoshli qizalog‘ini ishxonaga olib keldi. Qizaloq hamma yoqni kuzatib o‘tirib, yonimga keldi-da dedi:
— Adam sizlarni qul qilib sotib olganmi?
— Ha, - dedim men ham kulib.
Shunda qizaloq mehribon ohangda:
— Xavotir olmang, katta bo‘lsam hammangizni o‘zim ozod qilaman, - deydi.
Kriminalist ota oilasida egizaklar dunyoga kelibdi.
Qarindoshlardan biri egizaklarni otasidan:
— Farzandlaringizni bir-biridan qanday ajratasiz? – deb so‘rashsa, kriminalist ota ishonchli javob beribdi:
— Barmoq izlaridan!
Sirk arenasida gimnastikachi yigitlarning chiqishi namoyish etilmoqda. Epchil va chaqqon sportchilarning chiqishlarini ko‘rib o‘tirgan tomoshabinlar qarsak chalib, olqishlab o‘tirishar ekan.
Shu payt tomoshabinlar orasida bir odam baqirib:
— Hezalaklar! Tor shim kiyib olib, yurishini qaranglar bularni!!! – debdi xandon otib kulib.
Tomoshabinlar bezovta bo‘lib, atrofga qarashibdi.
Gimnastikachilarni chiqishlari davom etibdi. Haligi odamning yana baqirgan tovushi kelibdi:
— Hezalaklar! Ayollarga o‘xshaydi hammasi!!!
Bir vaqt boshlovchi sirk arenasiga chiqib e’lon qilibdi:
— Endi esa navbat o‘ta xavfli sahna chiqishiga! Hozir sizlarni ko‘z o‘ngingizda sirk shiftidan boshi bilan pastga sakrash amalga oshiriladi.
— Voy dod!!! Qayoqqa sudrab ketyapsizlar?! Qo‘yib yuboringlar meni! – deb gimnastikachi yigitlarga yalina boshlabdi haligi odam...