Doda latifalar

Statistika qoʻmitasi xodimlari dunyoda eng keksa insonni aniqlamoqchi boʻlib, Tibetga borishibdi. U yerda bir keksa otaxon duch kelibdi. Ular
— Yoshingiz nechida otaxon? - deb soʻrashibdi.
— 150 da - deb javob beribdi.
— E-e,... Dunyoda eng keksa inson siz boʻlsangiz kerak-a? - deb quvonib turishsa, otaxon:
— Bilmadim, dadamdan soʻrab koʻray-chi?! - dermish.

Xotin eriga:
— Dadasi biz yaqinda bittaga ko‘payamiz, - desa eri xursand bo‘lib ketibdi.
— Rostanmi? Juda zo‘r bo‘pti-ku! O‘g‘il ekanmi yoki qizmi? – desa, xotini:
— Onam biznikiga ko‘chib kelyaptilar, - dermish.

Ishga shoshilib chiqib ketayotgan erini xotini to‘xtatibdi:
— To‘xtang-chi adasi. Hech narsani unutmadingizmi? – debdi har kuni ishga ketishdan avval bolalari bilan hayrlashib ketishi kerakligini eriga eslatmoqchi bo‘lib...
Eri shoshib-hovliqib cho‘ntagini kavlabdi-da 10 ming chiqarib, xotiniga berib “Boshqa yo‘q, ushla! Bori shu!” deb yugurib chiqib ketavergan ekan..

Ikki kursdosh gaplashyapti:
— Ko‘ylagimni ikki kun ketma-ket yuvdim. Bugun yoqasi yana kir bo‘libdi, - desa, do‘sti:
— Yoqangni yuvgandan ko‘ra bo‘yningni yuvsang, yoqang kir bo‘lavermaydi, - dermish.

Yaqin dugonalar ko‘rishib, kafeda o‘tirishibdi. Keyin hamma ayollar o‘zlarining eriga “Men sizni sevaman!” degan SMS yuborishmoqchi bo‘lishibdi. Ularning yozgan SMSlariga erlarning javoblari “hayratlanarli” edi...
1. Kim bu?
2. Onasi, tinchlikmi???
3. To‘g‘risini ayt! Mashinani nima qilding?
4. Tushunmadim...
5. Nechi pul kerak yana?
6. Kimga yozganding bu smsni?!
7. Nima so‘ramoqchi bo‘lsang ham, javobim yo‘q!
8. Yana dugonalaring bilan o‘tiribsanmi ?!
9. ?
10. Tush ko‘rayapmanmi?

Elektron hujjat aylanishi ba’zi davlatlarda juda “samarali” ishlab kelmoqda.\nHujjat tayyorlanadi, imzolash uchun printerdan qog‘ozga chiqariladi, imzo qo‘yilganidan so‘ng yana skanerlanadi, tegishli tashkilotga yuboriladi va ushbu tashkilotda hujjat yana printerdan chiqarilib, yorliq (fishka) bilan rahbarga kiritiladi. Rahbar ko‘rsatmasi bilan qaytib chiqqan hujjat yana skanerdan o‘tkazilib, papkaga tikiladi. Haqiqatdan ham hujjat “aylanishi” ...

Er xotinidan so‘rabdi:
— Agar sen erkak bo‘lsang, nima qilarding?
Xotini:
— O‘ziz-chi? – debdi.

Bir otaxon vrachga boribdi. Vrach otaxonni tekshirib turib, badanida “galiya” deb yozilgan taturovkani ko‘rib qolibdi.
— Iye otaxon, sevgan qizingiz bo‘lganmidi? – deb so‘rabdi vrach.
Otaxon:
— Yo‘g‘-ye bolam! Portugaliyaga urushga borganimda “Portugaliya” deb yozdirib olgandim. Nechi yil o‘tdi. Yozuvni yarmi o‘chib, “galiya”si qoldi, - dermish.

Bir mayor samolyotdagi soldatlarga debdi:
— Bitta dushmanni "tinchitib", shaxsiy biror buyumini olib kelsangiz, har biriga 1 milliondan beraman.
Samolyot to‘xtabdi. Bir soatga bormasdan, soldatlar bir xalta buyumlar ko‘tarib kelishibdi.
Shunda haligi mayor:
— Bu nima qilganingiz axir biz o‘zimizni shaharga zapravkaga qo‘nib o‘tgan edik-ku! - degan ekan.

— Dugonajon, juda omadlisan-da...
— Nega unaqa deyapsan?
— Eringni aytaman-da... Seni hecham urishmaydi, jahl qilmaydi,...
— Axir u to‘rtinchi martta uylanishi...
— Nima bo‘pti?
— Avvalgi xotinlari bilan urushib, janjallashib bo‘lgan...