Doda latifalar

Qari buvijon mahallada biroz aylanib, uyiga qaytib kirib o‘g‘liga dermish:
— Hozirgi zamon yoshlari juda ajoyib-da! Ko‘chada 4 ta yosh yigit bitta sigaretni galma-galdan chekib o‘tirishibdi. Lekin hecham xafa emaslar. Tinmasdan kulishyapti-ya, baraka topgurlar.

"Google"dan izlashga berilgan g‘alati so‘rovlar:
— Ko‘zi g‘ilay odamni qaysi ko‘ziga qarab gapirish kerak?
— 1 aprel hazillaridan keyin asabni qanday tiklash mumkin?
— Pasportdagi avatarkani (suratni) qanday almashtirish mumkin?
— U menga yozishi uchun qanday status qo‘yganim ma’qul?
— Vampirni men birinchi bo‘lib tishlab olsam nima bo‘ladi?
— Men yo‘g‘imda naushniklarimni kim chigal qilib qo‘yadi?

Taksiga o‘tirgan ayol haydovchining qoidabuzarliklari, mashinani qaltis haydashini ko‘rib, tanbeh beribdi:
— Iltimos, ehtiyotkorroq bo‘lib haydasangiz. Meni 4 ta bolam bor. Sog‘lig‘im o‘zimga kerak!
Haydovchi ayolga o‘girilib qarab:
— 4 ta bolam bor deyapsiz-u, sog‘lig‘ingiz va ehtiyotkorlik haqidagi cho‘pchakni qayerdan oldingiz?!

— Ofitsiant, nega tovuq sho‘rvani ichida tovuqni ko‘rmayapman? Nima balo, qaynayverib yo‘q bo‘lib ketdimi?
— Nega yo‘q bo‘lib ketar ekan!? Tez chayinib, chiqib ketdi...

Bir kuni toshbaqani boshini ari chaqib olibdi.
Ishib ketgan boshini kosasiga kirgiza olmagan toshbaqa o‘zicha “Bugun ayvonda yotarkanmanda” degan ekan.

Shahardan qishloqqa kelin bo‘lib tushgan qizga qaynonasi:
— Molxonaga kirib, sigirni sog‘ib chiqing, - desa, kelin tovuqxonaga kirib ketayotgan emish. Qaynonasi:
— Qayoqqa ketyapsiz? Sigirni sog‘ing desam, tovuqxonaga kirib ketyapsizmi? – desa, kelin:
— Voy oyijon, hayvonlarga-yam alohida-alohida xona qilib berganmisizlar? – dermish.

Haydovchi:
— Hoy usta bola, burama mixlaring asfaltga to‘kilyapti.
Bola:
— Men hali usta emasman, vulkanizatsiyada shogirdman!

Ertalab turib maktabga ketmoqchi edim, soatga qarasam maktab tugagan ekan.

Ikkita g‘iybatchi ayol ko‘chada gaplashib turishibdi:
— Hoy o‘rgilay, anavi Shoiraxon bor-ku, narigi mahalladagi... Kecha poliklinikaga chiqsam, o‘shani ko‘rib qoldim deng. Uyalmay-netmay, poliklinikani yo‘lagida pista chaqib turibdi!
— Voy, qo‘rib ketsin!
— Uni pista chaqishiga qarayman deb, qo‘limdagi pivoni tushurib yubordim.

Tunda afandining sigirini oʻgʻirlab ketishibdi. Ertalab odamlar afandiga “Sigirni mahkam bogʻlash
kerak”, “Ayb oʻzingizda...”, “Devorlaringiz ham past!”, “Ayb oʻzizngizda... Darvozaniyam yaxshi bekitish kerak...”,
“Shunaqayam uxlaydimi odam degan!?” – deyaverishibdi. Shunda afandi ularga qarab:
— Oʻgʻriga-yam ozgina aybni qoldiringlar! - dermish.