Latifa.uz saytida eng ko'p ovoz olgan latifalar ro'yxati.
Dugonalar suhbatlashmoqda:
— Bir yigit bilan tanishgan edi. U menga yoqmadi. Qanday qilib undan qutulsam ekan?
— Odatda bunday holatlarda men o‘sha yigitdan qarz so‘rab turaman. Qarabsan-ki, osongina qutulasan.
Bir yosh yigit xilvat ko‘chada odamlarni tunab, o‘g‘rilik qilib yursa, keksa otaxon kelib:
— O‘g‘lim, bu nima qilganing?! Otang shu yurishingni bilsa nima qiladi?! - debdi.
Shunda yigit ikkilanmay javob beribdi:
— Otam meni o‘ldiradi! Chunki bu uning hududi!!!
— Odamlar vaqtincha ablah bo‘lishi mumkinmi?
— Ha! Agar so‘ralgan pulni soat 17:00da olib borishing kerak bo‘lsa-yu, sen uni 17:30 da olib borsang, demak sen yarim soatga ablah bo‘lib turasan.
Bir kishi mardikor bozoriga borib:
— Menga ikkita yevrey kerak, - debdi.
— Yevreyni nima qilasiz? - deb so‘rashsa,
— Uyimni yevrorement qildirmoqchiman, - debdi.
Afandi bir joyda to‘y bo‘lyapti deb eshitdi, garchi taklif qilinmagan bo‘lishiga qaramay, to‘yga juda ham borgisi kelibdi. O‘ylab-o‘ylab bahona topibdi. Bir varaq qog‘ozni to‘rt buklab, cho‘ntagiga solibdi-yu, to‘yxonaga otlanibdi. To‘y egasiga borib:
— Sizga qozidan xat,— deb qog‘ozni beribdi. To‘y egasi quvonib, xatni olib, Afandini to‘yxonaga kirgizib to‘rga o‘tkazibdi. Afandi esa vaqtdan foydalanib, dasturxondagi nozi-ne’matlarni bir boshdan yeya boshlabdi.
To‘y egasi qog‘ozni ochib qarasa, bo‘m-bo‘sh.
— Qog‘ozda hech narsa yozilmagan-ku! - debdi afandining yoniga borib.
— Ishlari zarur bo‘lgani uchun qog‘ozga xat yozishga qo‘llari tegmadi,— dermish Afandi.
Bir kuni podshoh xizmatkorlarini chaqirib debdi:
— Sizlarga bir kun muhlat. Agar ertaga gapiradigan qushni topib kelmasanglar, hammangizni jazolayman!
Xizmatkorlari nima qilishini bilmay, tuni bilan chora izlashibdi. O‘ylab-o‘ylab, afandiga murojat qilishibdi. Afandi:
— Aslo qayg‘urmanglar. Menda chora bor, - debdi.
Ertasi kuniga shoh saroyiga katta qora qarg‘a bilan afandi kirib kelibdi. Buni ko‘rgan xizmatkorlar jonlaridan umidini uzib turishsa, shoh qarg‘aga qarab:
— Manavi odam karmi? - deb xizmatkorlaridan birini ko‘rsatibdi. Shunda qarg‘a "Karrr" desa, podshoh quvonib:
— Ana bo‘larkan-ku! - dermish.
Meni tilaklarimni eshitgan sehrgarlarning sehrli tayoqchasi sinib tushdi, oltin baliqcha suvga bo‘kib o‘ldi, chol ibn Xattob esa soqolini qirtishlab tashladi.
Er-xotin uyquga ketayotsa, shkaf ichidan ovoz kelibdi:
— Ering uxladimi?
Xotini:
— Shunaqaga o‘xshaydi?!
Shkaf ichidan:
— Unday bo‘lsa, men ketdim!
Shu payt eri sakrab o‘rnidan turib:
— Hali seni kredit pulingni to‘lab bo‘lmadim. Qayoqqa ketasan???
Ota-onalar majlisida bir bolaning otasidan o‘qituvchi so‘rabdi:
— Maktabimiz uchun nima qilib bera olasiz?
Ota:
— Portalga yozib bera olaman!
Shundan keyin bu otani o‘g‘li maktabni bitirib ketguncha umuman majlislarga chaqirib bezovta qilishmabdi...!