Doda latifalar

Bir erkak hushtori bilan restoranda o‘tirsa, yoniga bitta odam kelib:
— Ayolingiz bilan raqsga tushsam maylimi?,- debdi.
— Yo‘q, biz hali sharob ichmadik, - debdi boyagi erkak.
— Kechirasiz, ayolingizni raqsga taklif etsam maylimi?, - debdi yana.
— Yo‘q, biz hali ovqatlanmadik, - deb javob beribdi.
Shunda ayol o‘rnidan turib:
— Nega undan so‘raysiz? O‘zimdan so‘rang!, - desa, ikkala kishi ham baravariga:
— Erkaklar gaplashayotganida sen jim tur!!!, - dermish.

— Yo tavba, qaytar dunyo deyishgani rost ekan! , - dermish stomatolog hamkasbiga.
— Nima bo‘ldi?
— O‘tgan hafta menga jarima solgan DAN xodimi bugun o‘z oyoqi bilan yonimga keldi. Og‘riqsizlantiruvchi dorini tejamoqchiman ...

Jon berayotgan er xotinini chaqirib debdi:
— Esingdami armiyaga ketayotganimda, sen yonimda eding?
— Ha, esimda...
— Ishdan bo‘shab, uyda uch yil o‘tirganimda ham sen men bilan birga bo‘lganding!
— Ha...
— Avariyaga uchrab, yotib qolganimda ham oldimdan jilmading.
— Albatta, birga bo‘lgandim, yoningizda hamisha...
— Hozir jon beryapman. An’anaga sodiq qolasanmi? Shuni bilmoqchiman.

— O‘rtoq, tayyor mahsulotlarni ombordan olsam arzonroq-mi yoki dilerdanmi?
— Ey do‘stim, ombor qorovullaridan olsang arzon bo‘ladi!

Uchta ahmoq aeroportga borishibdi. Birinchisi dvigateli aylanib turgan samolyotni yoniga borib,
— Hozir shu dvigatelni to‘xtataman, - deb barmog‘ini tiqqan ekan, barmog‘i uzilib ketibdi. Og‘riqdan baqira boshlabdi.
Ikkinchisiyam:
— Men to‘xtataman, - deb boshini tiqqan ekan, uni boshi uzilib ketibdi.
Shunda uchinchi ahmoq barmog‘ini ushlab baqirayotganga qarab:
— Nega baqirasan? Barmoqqa shuncha vahimami? Qara, boshini tiqqan jim yotibdi-ku?!, - dermish.

Kelin:
— To‘ydan keyin, men sizga haligacha hech kim mendan bo‘sa olmagan joyni ko‘rsataman.
Kuyov:
— Qayerda ekan u joy?
Kelin:
— Bu Gavai orollarida!

Puli ko‘plar qo‘llaridagi ayfonlarida ko‘chadan pokemonlarni qidirib yurishadi. Ko‘chadagi bezorilar esa ayfonlilarni "ovlab" yurishadi. Militsiya esa bezorilarni ushlashadi. Mana shunaqa band aholi hukumatni umuman bezovta qilmayapti.

Ikki talaba turmush quribdi. To‘yda kelin hech narsa yemay o‘tirsa, bir mehmon so‘rabdi:
— Nega bu kelin hech narsa yemaydi-yam, ichmaydi-yam?
O‘tirganlardan biri:
— Chunki u pul qo‘shmadi-da!

— Azizim, menga uzuk olib bering.
— Uzukka pulim yo‘q!
— Unday bo‘lsa, ko‘ylak obering.
— Ko‘ylakka ham yo‘q pul...
— Og‘zimni yopish uchun hech bo‘lmasa saqich olib berarsiz?!

— Tushimda bo‘ydoq emishman, seni qo‘lingni so‘rabman.
— Namuncha xursandsiz?
— Sen rad javobini beribsan.