Doda latifalar

Bir kuni Mersedes avtomobili buzilib qolgan Zaporoj mashinasini tortib ketmoqchi bo‘libdi. Zaporoj haydovchisi qari chol:
— Yigitlar, faqat Mersedesni tez haydamanglar. Agar tezlashib ketsangiz, faralarni yoqib-o‘chirib ishora qilaman, - debdi.
Yo‘lda Mersedes baribir tezlashib ketibdi. Orqasida kelayotgan Zaporoj ishora qilsa ham e’tibor berishmabdi.
Birinchi postda to‘xtamasdan "uchib" o‘tib ketishibdi. Postdagilar darhol keyingi postga qo‘ng‘iroq qilib:
— Hozirgina Mersedes mashinasi katta tezlikda o‘tib ketdi. Orqasidan kelayotgan Zaporoj haydovchisi faralarni yoqib-o‘chirib, "o‘tib ketay" degan ishorani bersa ham, tushunishmayapti, - dermish.

Bir barbisifat ayol ginekolog qabuliga kiribdi. Doktor uni ko‘rikdan o‘tkazib bo‘lgach, so‘rabdi:
— Nimadan shikoyatiz bor?
— Shu desangiz, tishim juda yomon og‘riyapti.
— Iye, sizni ginekologik ko‘rikdan o‘tkazdim-ku? Nega tishim og‘riyapti demadingiz?
— Tishimni ildizini qidiryapsiz deb o‘ylabman-da!!!

Bekatda bir yigit yonidagi chiroyli qizga:
— Men sizni tanidim. Kecha klubda ichki ko‘ylakda raqs tushgan qizsiz, shundaymi? - desa, qiz:
— Ha, demak siz ertaroq ketib qolgan ekansiz-da, - dermish.

Broller tovuqlarning bir maqoli bor:
"Yeyish uchun yashama, yeyilish uchun yasha!"

— Meni qo‘l telefonim uy telefoniga aylanib qoldi.
— Nega?
— Nuqul elektr quvvatlagichda turadi...!

— Oyijon, bitta tish yuvish vositasini surtib chiqsak, nechi metrgacha yetishi mumkin?
— Bilmadim qizalog‘im...
— Hammomdan oshxonagacha nechi metr chiqadi? Shuni bilsangiz bo‘ldi.

Bir odam tishini oldirib kelibdi. Sherigi:
— Tishing haliyam og‘riyaptimi?, - desa,
— Bilmadim, o‘sha yerda qoldi, - debdi.

— O‘g‘lim, senga sovg‘a qilgan ov miltig‘i qani?
— Sotib yubordim. Puliga esa qo‘limga soat oldim.
— Ahmoqmisan?! Endi quyon oviga borsang, soat nechida oldingdan quyon yugurib o‘tganiga qarab yurasanmi?!

— Yaxshi qiz, men sizni qanday topib olsam bo‘ladi?
— Juda oson! Bo‘yim 167 sm, vaznim 54 kg.
— Bo‘ldi. O‘zim bilan tarozi va metr olib yuraman.

Bir odam doktorga borsa,
— Kasalingizni da’vosi turp. Ko‘proq turp yeng!, - debdi.
Haligi odam ko‘chaga chiqib turp sotib o‘tirgan odamni hamma turpini sotib olibdi-da, sal nariroqqa borib tursa, turppurush telefonni olib:
— Allo, turp tugadi. Hozir bir qop sholg‘om keladi, - dermish.